[Urang Sunda] Re: Ngadamel saran kangge kasenian

[MSasmita]

Wios atuh nu 25% mah, kajabi tiasa deui dihudangkeun. Kumaha upami nu 50% we nu majar nuju sakarat, manawi upami sae infusna mah sugan we tiasa menyat deui, tina nu 50% teh diidentifikasi peran jalmi anu pang dominanna, misal dina wayang, nu pangnyongcolangna peran teh nyaeta dalang, sugan we tiasa diidentifikasi sapertos kitu dina kasenian nu 50% nu nuju sakarat tea. Jalmi anu pangdominna, diwilah deui ku yuswana, upamina nu yuswana 65 taun kaluhur, teras didata aya sabaraha jalmi. Tos jentre datana, langsung we dipasihan insentif misal 500 rebu sasasih, etang-etang penghargaan kana katiasana, mung kedah aya kawajiban nurunkeun elmuna ka anu anom. Ke urang etang-etangan geura, disebatkeun 25% tos teu aya dikieuna, panginten kirang langkung 75 wanda kasenian tos ilang musnah, 150 wanda nuju sakarat (50%), anggap we nu disebat jalmi dominan tea sareng yuswana 65 taun atanapi langkung unggal kasenian aya 3 jalmi, janten aya 450 jalmi, dina sataun peryogi waragad 2,7 milyar (500rebu x 12 x 450) eta teh kanggo ngabayuan unggal sasih nu etang-etang gajih tea. Upami aya kawijakan kitu tangtos data teh bakal mucunghul, malah boa janten seueur, upami janten seueur hartosna sanes nuju sakarat, atanapi tiasa bae pedah aya "mark up" data ti desa atanapi ti kacamatan atanapi ti nu ngurus kabudayaan/ kasenian. Tah eta jalmi anu digajih teh dijantenkeun narasumber kanggo ngadokumentasikeun sareng kedah nurunkeun elmuna tea. (hartos sakarat didieu kanggo sim kuring mah seniman anu tiasa tos arang langka, nu nanggap nya kitu deui) Esensi senina mah urang ulah ngingiring da eta mah kumaha para seniman,hak seniman, maksad teh ulah dugi ka supados tiasa ngigelan jaman supados dipikaresep ku barudak ngora der we tembang Cianjuran ditambihan ku "organ tunggal". Aya deui nu kedah diperhatoskeun nyaeta ngadokumentasikeun, boh dina wangun buku, boh dina wangun rekaman digital audio visual, ulah mung sakadar deskripsi, supados nu bade nalungtik atanapi bilih bade aya nu nyobi kapayuna tiasa eces. Geura mangga tingal buku kenging Wim van Zanten ngeunaan tembang Sunda, apan sakitu kandelna, malih aya notasina sagala (basa Inggris,305 kaca,1987), kitu deui J.Kunst dina bukuna Music in Java (basa Inggris, jilid 1 sareng jilid 2 teh 640 kaca, 1949), teras buku buku kenging Pa Machyar Angga Kusumadinata sababaraha jilid aya Pangawikan Rinenggaswara (ringkesan elmuning kanayagan) sajilid, Kawih Murangkalih 3 jilid, Sari Arum 3 jilid, dijumlah jamleh aya 364 kaca, taun terbit taun 50an. Sakitu sabulangbentor ti sim kuring. Kahade waragad anu 2,7 milyar teh sanes kanggo acara seremonial, sanes kanggo pekan kesenian, sanes kanggo seminar, sanes kanggo pidato, tapi eta mah malulu kanggo gajih seniman, ulah dipotong biaya administrasi deuih.   MSasmita   NB : Saur Apih Siddik di Korea mah nu tiasa kana kasenian tradisional teh digajih ku pamarentah, kapan saur Kaos korupsi ge "elmu tungtut dunya siar, hade turut goreng singlar" wios nurutan ka Korea ge upami sae mah. Ka Teh Ika, kumaha waragad 2,7 milyar sataun kanggo gajih seniman sepuh tiasa panginten dianggarkeun....he he...!!. Ka baraya sadayana bilih peryogi buku "Semerbak Bunga Di Bandung Raya" Haryoto Kunto, kandelna 1000 kaca langkung, kondisi 90%, mangga kontak ka sim kuring masih aya stok hiji deui,ipekahna rada awis 750rebu, teu aya nawis bin negosiasi, dikaluarkeun teh pedah we aya buku nu nuju diudag, buku nu diudag teh rada awis 3 kalieun buku Semerbak.....!!   Ganjar Kurnia wrote: Assalamu'alikum Wr.Wb.   Hasil panalungtikan Pusat Dinamika Pembangunan Unpad tilu taun katukang, netelakeun tina 300 jenis kasenian anu dipiboga ku urang sunda, 25 % diantarana tos teu aya dikieuna, 50 % deui keur aya dina sakarat awal meh nepi ka sakarat ahir. Patarosanana, naha urang rek tega lamun kabeungharan budaya anu dipimilik ku urang Sunda saeutik-saeutik bakal tumpur. Kukituna, ngalangkungan milist ieu, pribados ngulem ka sakumna urang sunda anu ngagaduhan kanyaah ka ki sunda pikeun ngadugikeun saran-saran lajuning laku pikeun ngungkulan ieu pasualan. Saterasna eta saran-saran teh urang edit sareng urang dugikeun ka anu gaduh bendo. Nuhun. Urang ngobrol daria ayeuna mah.   Wassalam.  __._,_.___ Komunitas Urang Sunda --> http://www.Urang-Sunda.or.id SPONSORED LINKS Culture change Corporate culture Cell culture Organization culture Tissue culture Your email settings: Individual Email|Traditional Change settings via the Web (Yahoo! ID required) Change settings via email: Switch delivery to Daily Digest | Switch to Fully Featured Visit Your Group | Yahoo! Groups Terms of Use | Unsubscribe __,_._,___