[Urang Sunda] Aya lini

[Budhi Setiawan]

Poe kamari  kabeneran teu kabagean ngajemput Aiko ti sakola, da ibuna bada lohor geus rengse diajar basa ku volunteer. Balik ka apato teh meh jam 9 peuting, teu kaburu ngabandungan dongeng Aiko di sakolana.   Tadi isuk-isuk, barang hudang Aiko geus rame ngadongeng, cenah kamari aya lini. Kuring rada bingung, dimana aya lini, jawabna di sakola cenah. Jam sabaraha, jam 10-an cenah, naha kuring di sakola teu ngarasa, meureun pedah di lantai 5 kitu. Terus muka internet, bisi aya wartana lebeng teu kapanggih.   Terus ku kuring ditanya, basa aya lini kumaha, der manehna ngadongeng. Mun aya lini cenah, sabisa-bisa nyokot heula baju nu warna koneng (disebutna baju pelindung), terus pake bari neangan tempat nu sakirana bisa nahan mun aya nu ragrag ti luhur. Terus ceuk manehna, sabab aya lini, bisa aya oge kahuruan, tah lamun urang di tempat nu loba jalma, kudu buru-buru kaluar, ngan kade pisan cenah "Osanai". Naon tah ceuk kuring, hartina tong ngodorong batur nu aya di hareupeun urang, sabab lamun nu di hareup labuh, tangtu urang bakal labuh, ahirna teu bisa kaluar, kitu teh bari prak nyontokeun kumaha cara kaluar, leungeun jeung suku kudu kumaha. Sanggeus kitu engke bakal dateng mobil pemadam kebakaran tur memang eta mobil teh aya datang ka sakolana.   Terus kuring nanya deui, bulan kamari aya lini di sakola ? Jawabna teh aya ... ahirna kuring ngarti, sihoreng poe kamari teh diajar kumaha nyalametkeun diri mun aya musibah, boh lini atawa kahuruan, nu rutin unggal bulan diayakeun di sakola-sakola ti mimiti TK.   Cag ah ...   budhi kurono kopo 241       __._,_.___ Komunitas Urang Sunda --> http://www.Urang-Sunda.or.id SPONSORED LINKS Culture change Corporate culture Cell culture Organization culture Tissue culture Your email settings: Individual Email|Traditional Change settings via the Web (Yahoo! ID required) Change settings via email: Switch delivery to Daily Digest | Switch to Fully Featured Visit Your Group | Yahoo! Groups Terms of Use | Unsubscribe __,_._,___