Re: [Urang Sunda] reinkarnasi

[Budhi Setiawan]

 Punten sanes bade ngagulkeun budaya batur ...   Nembe basa juma'ahan, khatibna urang Pakistan, manehna salila bulan puasa ieu diondang keur ngurus masjid di dieu. Dina khutbah kahiji make basa Inggris, khutbah kadua duka Basa Hindi duka Urdu, nu kareungeu teu eche eche .. kemiri jahe .. kitu lah .. ngan sigana tarjamahan tina Basa Inggris dina khutbah kahiji ..   Salah sahiji nu nyababkeun hese nyebarkeun Islam ka urang luar teh, sabab cenah urang Islam sorangan nu nyieun benteng luhur keur asup. Ningali nu ngukut janggot, keur urang Jepun mah teu ilahar jeung kaasup nyingsieunan budak he he he ...   Komo meureun ningali berita di urang, FPI ngabuburak tempat hiburan, naha kudu kitu di dieu oge ? padahal di dieu tempat hiburan teh meh di unggal pengkolan, komo meureun mun maca atawa ningali Liputan 6 nu di Kalimantan ...   Unggal jumaah, sok aya pulisi nalingakeun rada jauh ti masjid teh, kabeneran masjid teh deukeut ka kampus tur aya di sisi tanggul, dikurilingan ku sawah, jadi mun aya nu nalingakeun pasti katempo. Hiji waktu dideukeutan, nya ceuk manehna teh ngan ngawaskeun bisi aya nanaon, tur mere saran mun bisa mah nu mawa kandaraan tong parkir di jalan sanajan enya sepi oge, sabab eta ngalanggar aturan. Mimiti jumaah kamari, alhamdulilah geus nyewa taneuh kosong keur parkir nu mawa kandaraan.   Ras inget ka kompleks di lembur, kuring cicing di Kopo, ti heula aya hiji imah nu sok dipake keur sakola minggu, tempatna deukeut ruko, tatangga nu deukeutna oge non-muslim. Tatangga nu jauh nu muslim jadi ribut, yen kudu ngeureunkeun eta sakola minggu. Ya ahirna rame demo ka RT ka RW cenah mere pangaruh goreng keur budak ...   Cag ah bisi loba teuing salahna ..   budhi kurono kopo 241       ----- Original Message ----- From: kumincir To: urangsunda@yahoogroups.com Sent: Friday, September 29, 2006 1:24 PM Subject: Re: [Urang Sunda] reinkarnasi Panginten, anu ditatanyakeun ku batur ka umat Islam téh masalah ahlak atawa paripolah. Batur, anu dina kahirupan sapopoéna sakumaha anu dicarioskeun ku Téh Ane & Kang Budhi, ningali umat Islam téh kesanna heuras, kaku, teges sahaok kadua gaplok. Urang (kuring) ogé tangtu kudu nyaliksik diri, naha paripolah  umat Muhammad téh geus nuturkeun paripolah Kangjeng Nabi jungjunanana? Padahal Kangjeng Nabi kuanjeun nyarios yén satemenna anjeunna téh diutus pikeun nyampurnakeun ahlak paripolah manusa, pikeun méré conto. Geuning ayeuna ogé keur ramé gerakan "kasoléhan sosial". Nyarita leuleuy ka pamajikan, amis budi ka sasaha, naha urang parantos nuturkeun sunnah-sunnahna? Padahal sunnah téh sanés ukur ngukut janggot... Na salah saha atuh mun masarakat urang kacirina geus teu saroméah? Kasalahan guru ngaji atawa kasalahan guru sakola? Guru ngaji mah, iwal di pasantrén, biasana ukur panggih pas ngaji, nya pikeun ngajar ngaji. Guru sakola rada saleuheung, leuwih mindeng panggihna, kadang raket pisan jeung barudak muridna. Lamun bisa méré conto nu hadé, meureun bisa nyerep ka para muridna. Nu leuwih utama, nya tangtu kolotna, eh, atawa pangasuhna? Sok baé émutan, naha urang sok kénéh nyarék budak urang mun ngaliwat/ngaléngkahan batur bari teu ngucap "punten", atawa ngajarkeun rengkuh ka kolot, atawa ngajarkeun basa nu merenah nalika nyarita jeung kolot? Kapungkur mah, basa kuring osok dikitukeun, mindeng ogé nempo kolot nu nyarék ka budakna. Ayeuna? Asa langki. Kolot sibuk.... budak sibuk "otodidak"... On 28/09/06, [EMAIL PROTECTED]com <[EMAIL PROTECTED]com > wrote: Mang mukakeun panto keur batur ( anu jadi ukuran kasopanan survey sbbrh bulan kalangkung), jangji tara leuir sareng sopan santun eta oge bagean tina agama ngan urang kedah emut yen kaimanan teh aya sababaraha level, aya kieu hadist na punten teu di sundakeun Sesungguhnya iman itu ada enam puluh lebih cabang --atau tujuh puluh lebih-- yang paling tinggi di antaranya ialah la ilaha illa Allah, dan yang paling rendah ialah menyingkirkan penghalang yang ada di jalan." -- sikandar kumincir.blogspot.com __._,_.___ Komunitas Urang Sunda --> http://www.Urang-Sunda.or.id SPONSORED LINKS Culture change Corporate culture Cell culture Organization culture Tissue culture Your email settings: Individual Email|Traditional Change settings via the Web (Yahoo! ID required) Change settings via email: Switch delivery to Daily Digest | Switch to Fully Featured Visit Your Group | Yahoo! Groups Terms of Use | Unsubscribe __,_._,___