Nambihan oge kang,
Pami teu lepat pulitik teh nyaeta mangrupakeun
seni
pikeun ngahontal tujuan nu tangtosna ngagunakeun
sagala pangawasa
nu aya dina diri (kanggo pribadi)
atanapi pangawasa/kakuatan bangsa (kanggo
nagara).
Sakaterang simkuring ajen tinajen kaSundaan dina
ngokolakeun
nagara teu benten sareng ngokolakeun diri,
geuning aya istilah memeh nata
nagara (dunya gede)
kudu bisa nata naraga heula (dunya leutik),
kantun
nanya naon atuh nu jadi tujuan dina ngeuyeuk dayeuh
ngolah nagara
teh. Urang sunda dina nerapkeun ajen
tinajen/pamikiran hirup jeung pulitik
hirupna dumasar
kana hasil nyungsi diri nyuay badan nu teu leupas
sareng
alam gede.
Hasil panalungtikan diri netelakeun geuning diri
nu
dipake pikeun nganteur kahayang ingsun teh asal tina
opat unsur
nyaeta tina sari/aci ning seuneu nu nyagara
di panonpoe (ngalangkungan
sagala asakan) lambangna
warna beureum, acining cai nu nyagara ka lautan
(tina
sagala leueuteun) lambangna warna bodas, acining
taneuh nu nyagara
di bumi (sagala tuangeun)lambangna
warna hideung, sareng acining angin nu
nyagara di
langit (ngalangkungan napas)lambangna warna koneng,
tah
asaling diri ieu nu sok disilokakeun kana
parupuyan/kukus nu kudu
diseungitan pake menyan (ku
laku lampah nu hade). Opat asaling diri siaji
geuning
panonpoe geus ngalaksanakeun darmana pikeun nyaangan
dunya kabeh
kabagen teu ngabeda-bedakeun wewengkon oge
ngasakeun sarupaning nu dipasak
boh langsung ku seuneu
pon kitu deui nu ku panonpoe, cai memeh mulang
ka
lautan oge geus mere jeung babagi ngahirupan manusa,
sato jeung
tutuwuhan, angin sareng bumi pon kitu deui
geus ngahirupan sagala mahluk di
alam ieu teu
ngabeda-bedakeun. Seuneu-cai-angin-bumi mah
estuning
geus ngajalankeun darmana luyu jeung kudratna, tah ari
manusa
kumaha naha tos ngalaksanakeun darma luyu
sareng kudratna ku jalan
ngalaksanakeun kamanusaan
ngagunakeun sagala pangawasa nu asal ti Nu
Maha
Kawasa. Upama lumpat deui kana diri lamun urang hoyong
tuang
geuning sagala pangawa boh maningalna, boh gerak
tanganna, boh langkah
sampeanna, boh angseuna,
pangrasana jeung sajabana ti eta rukun
sauyunan
numutkeun tugas sareng fungsina masing-masing pikeun
ngahontal
kaperluan diri supaya katedunan
pangabutuhna, tiasa dibayangkeun pami
anggahota badan
teu rukun mawa karep sewang-sewangan. Tah dina
ngeuyeuk
dayeuh ngolah nagara oge teu benten. Urang
Sunda gaduh kayakinan yen dunya
teh milik sarerea
(sabanda)nu kedah diurus ku sarerea
(sariksa)
numutkeun hak sabangsana/sanagarana atanapi tugas
sareng
fungsina sewang-sewangan (sapariboga) pikeun
ngudag karukunan hirup
sauyunan. Ajen tinajen urang
Sunda tos nganggo tatanan hirup nu disebat
demokratis,
teu ngenal tingkatan harkat nu dumasar kana titel
saren ras,
margi tos ngartos yen manusa teh saasal
jeung sabakal, teu orientasi kana
kakawasaan namung
orientasi kana bagi tugas/fungsi nu ngarah ka
tujuan
hirup sarerea (mangga tengetan sistim nu diangge ku
masyarakat
Kankes). Tah kumargi kitu pantes pami tea
mah nitenan wangsit nu cenah
waktos Prabu Siliwangi
bewara bade undur diri ka rahayatna, dikawitan
ku
ucapan "Kami geus teu pantes jadi raja lamun somahna
sangsara jeung
balangsak ...jst", nu hartosna tos teu
tiasa ngajalankeun tugas sareng
fungsina.
Tah ku pangemut simkuring sistim ieu nu
kedah
dikembangkeun deui dina raraga ngokolakeun nagara teh.
Garis keras
teu dikenal dina kasundaan, namung nu
diperyogikeun nyaeta kukuh-pengkuh
dina ngudag tujuan
karaharjaan bersama jeung karukunan hirup
sauyunan,
ulah gedag kaanginan, ulah laas ku hujan (luyu sareng
sifat nu
dilambangkeun bumi-tetap).
Kumaha tegesna sistim kanagaraan nu cocog
diterapkeun
kisunda, nya hayu urang pada nalungtik kumaha saena,
sistim
nu dianggo di masyarakat Kanekes nu tos
kabuktian tiasa "survive" dina
ngigelan jaman, mungkin
tiasa dijantenkeun salah sahiji bahan pikeun diaji.
Punten kang ieu ge mung pandangan/pangemut simkuring,
duga luyu
henteuna mah sareng akang hususna, oge
baraya kisunda umumna.
cag,
rampes.
pun Engkus
--- Kang Maman <[EMAIL PROTECTED]com>
wrote:
> Mamang Engkus... lieur ah maca sisipanna he..he..
>
> Tadi wengi kaleresan pribados ngabandungan siaran di
> global
tivi,acara "Kantata Institute", Jalaludin
> Rahmat sareng Setiawan
Djodi.
>
> Intina soal "Syariat Islam".
> Numutkeun
Setiawan Djodi, syariat eta ngandung
> hartos
> pemikiran hirup
jeung kahirupan, anu "basis"na
> Al-Quran tekstual. Sapagodos sareng
Kang Jalal, anu
> ngaku kapungkurna teh PALING ANTI PANCASILA,
ayeuna
> ngadukung pisan.
> Pamikiran hirup jeung kahirupan teh
kedah cocok
> sareng
> budaya lokal(kearifan setempat), kasauran
S.Djodi.
>
> Lah panjang dongengnamah.
>
> Aya
terasna sakedik, numutkeun pamadengan Kang
> Jalal,
> dipenganut
Agama Islam, aya dua kutub ekstrim, hiji
> anu aliran pluralis hiji deui
anu garis keras.
> Aya oge pembagean numutkeun pamadengan
>
"Karajaan"(arab
> saudi)/wahabi sareng
"demokratis"(iran)/syiah
> intinamah soal kekuasaan sereng
pembagian
> kakuasaanna.
>
>
> Dupi sistem
kakuasaan(politik) urang sunda kumaha
> jeung bade kumaha?
>
> Sakitu anu kapihatur.
>
> --- engkus ruswana <engkusruswana@yahoo.com>
wrote:
>
> > Sampurasun,
> > Bagea baraya kisunda
sareng urangsunda
> yahoogroups,
> > sok sanaos simkuring teu
acan tiasa ngiring
> ulubiung
> > dina gunem catur, namung
masih satia noongan
> milist
> > kisunda sareng milist-milist
sanesnya. Simkuring
> > mendakan ieu topik dina bahasa Indonesia
nu
> pangemut
> > simkuring peryogi oge diaji, pikeun
nambihan
> wawasan
> > urang, luyu sareng harenghengna kaayaan
sosial
> > pulitik
> > sareng kaagamaan di nagara
urang.
> > Happunten bilih teu sapagodos.
> >
> >
Rampes,
> >
> > pun engkus
> > Mangga dilenyepan
> >
>
>
>
__________________________________________________
>
Do You Yahoo!?
> Tired of spam? Yahoo! Mail has the best spam
>
protection around
> http://mail.yahoo.com
>
__________________________________________________
Do
You Yahoo!?
Tired of spam? Yahoo! Mail has the best spam protection around
http://mail.yahoo.com
