--- In [email protected], "M. Apri" <[EMAIL PROTECTED]> wrote: > btw, kapungkur abdi pernah ditaros ku rerencangan tentang > polygami. Nya saur abdi teh, > polygami mah pan teu haram, janten pami dijalankeun sesuai > syariat, nya sanes aib sanes dosa.
Kang Apri, nyandung mah henteu haram, ngan SACARA UMUMNA TEU DITARIMA KU MASYARAKAT di urang. Aa Gym oge katingalina mah sadar yen nyandung teh sabenerna mah dianggap kalakuan nu kurang lazim, sabab buktina anjeunna "nyumputkeun" kalakuan anjeunna ti publik. Nembe sanggeus jadi sorotan publik, anjeunna buka-bukaan. Anggapan di masyarakat urang, nyandung dianggap ngalajur nafsu alias teu bisa nahan nafsu, nganyerikeun awewe jeung sok dianggap teu nyaah ka anak. Masyarakat di urang oge, kurang nganggap pamajikan kadua, katilu jeung kaopat. Ieu wanoja nu daek dicandung, biasana posisina tetep disahandapeun istri nu kahiji, malah ekstrimna mah sok dianggap awewe tukang ngarebut salaki batur, piduit jeung rada bangor. Kang Apri tiasa ningali tina reaksi publik nu ujug-ujug mangkarunyakeun ka Teh Ninih, istri kahiji Aa Gym. Teu aya saurang oge nu nunjukkeun rasa simpati ka Rini, istri kadua Aa Gym!. Aa Gym mungkin tiasa adil ka istri2na, tapi tong ngaharepkeun publik boga sikep nu sarua. Istri nu kadua jst, bakal ngalaman hal-hal nu teu pati ngeunah ti publik. Nyandung oge, sok nyieun mamala, lamun manehna pupus. Budakna sok parasea parebut warisan. Lamun nu nyandungna Raja/Sultan beuki cilaka. Dina Sajarah geus loba kacaritakeun, loba peperangan akibat anak Raja/Sultan nu beda indung parasea parebut tahta karajaan. Contona Harun Ar Rasyid nu putrana parasea parebut takhta (Al Makmum jeung Al Amin). Al Amin akhirna eleh, terus ditelasan ku dulur sabapana!. Atuh di urang oge contona loba, saperti kasus kraton Kanoman Cirebon jeung Kraton Paku Buwono di Solo ayeuna nu teu beres- beres. Publik teu pati narima kana nyandung, lain hartina satuju kana jinah jeung freeseks. Eta alesan nu teu aya dasarna. Kanu jinah atawa free- seks masyarakat "ngahukum"na langkung tinu nyandung. Dipilemburan nu kapanggih jinah malah bisa diarak jeung diteunggeulan. Memang di masayarakat kota, reaksina teu siga di lembur, tapi tetep we dianggap pagawean teu bener. Nu nyandung oge, teu ngajamin manehna teu ngalakukeun jinah. Loba nu geus boga pamajikan leuwih ti hiji, masih tetep we resep "nganjang" ka kompleks! Urang Sunda, khususna urang Sumedang, kungsi boga pamimpin nu ngalarang pagawena (kaum priyayi/menak) nyandung. Pamimpin ieu, Bupati Sumedang di akhir abad ka 19/ di awal abad ka 20, jenenganana Pangeran Suriaatmaja nu katelah Pangeran Makkah kulantaran wafat di Mekkah. Pangeran Suriaatmaja, lain bupati biasa, tapi bupati nu pinuh ku prestasi jeung gaduh visi kapayun, tepi ka walanda ngawangun lingga di tengah alun-alun kota Sumedang, keur pangeling- ngeling kana jasa anjeunna dina ngamajengkeun masyarakat. Baktos, WALUYA [Ti baheula tetep anti nyandung]
