Halodo kamari we sababaraha wewengkon di Indonesia ngalaman krisis cai
bersih anu lumayan rohaka, kalebet Bandung. Komo pami usum halodo nu baris
dongkap langkung tinu kamari heuheuheu duka kumaha tah. Nu pasti jigana
krisis cai bersih langkung rohaka deui.
Mung untung we es di kutub seueur anu leeh janten cai heuheuheu. Logika
na, laut bakal ngalegaan. Teknologi ultrafiltrasi pikeun ngolah cai laut
janten cai bersih (=air minum) tos wancina makalangan di tatar rahayat
leutik. Minangka hiji solusi alternatif pikeun mayunan krisis cai bersih
nu rohaka eta.
Baktos,
OTA
*** Hukum Thermodinamika I : Materi oge energi di alam dunya ieu teu
ngurangan dina jumlahna.
Tadi enjing kirang langkung tabuh 07.00 (waktos Korea), TV-MBC Korea
ngawartakeun,
pangaruh El-Nino dina taun 2007, duka kenging nyutat timana, mung anu
kabandungan aya
3 perkawis ;
1. Dina usum panas anu bade dongkap, es di kutub bakal seueur anu
leeh/leyur janten cai.
2. Usum panas anu bade dongkap bakal langkung panas ti usum panas nu
atos-atos.
3. Ieu anu langkung penting, margi aya patalina sareng kahirupan di lemah
cai, sanggem
eta bewara, Indonesia baris nyorang usum katiga/halodo anu pohara.
Ieu bewara di alungkeun ka lembur, taya sanes supados urang sadaya,
khususna anu dilembur supados taki-taki mayunan eta katiga.
Sukur-sukur eta bewara nyalahan.
Pihatur,
ssw
http://cikundul3.multiply.com
Tong nyaliksik naon nu bisa dicokot ti kiSunda
Tapi talungtik naon nu bisa dibikeun ka kiSunda___
