Di sim kuring aya buku kenging Dr J.Noorduyn anu ditajamahkeun ku Pa Iskandar Wasid judulna "Perjalanan Bujangga Manik Menyusuri Tanah Jawa : Data Topografis dari Sumber Sunda Kuno ( Bujangga Manik's Journeys Through Java : Topogrphical Data from an Old Sundanese Source) Ieu buku medal taun 1984 gawe bareng antawis KITLV sareng LIPI), buku ngarupikeun hasil stensilan ukuran kertas A4, aksarana hasil stensilan tea kalan-kalan aya nu kirang jelas janten upami di scan kirang sae, upami di ketik ulang bet rada haro.....haroream tea. Dina ieu buku seueur disebat nami nami daerah boh nu aya keneh boh nu tos teu aya (robih nami), janten sae pisan kanggo terang kumaha kaayaan nami daerah dina abad ka 16. Sanes bae mung dugi ka Brebes tapi dugi ka Bali, ngacacang lami di Jawa Timur, hiji "kelana" anu gemet nyatetkeun perjalanana. Mungkin bae bangsa sanes oge (Jawa, Madura, Bugis sjte) tapi onjoyna Bujangga Manik nya nyatetkeun nami nami daerah salami ngalalana. Disebatkeun dina baris ka 80-87 :
Sadatang ka tungtung Sunda meuntasing di Cipamali datang ka alas jawa Ku ngaing geus kaideran lurah lirih Majapahit palataran alas Demak Sanepi ka Jatisari datang aing ka Pamalang Waktu harita wilayah karajaan Majapahit watesna jeung Sunda di Cipamali ( ayeuna Kali Pemali di Brebes). Kecap alas, biasana hartina leuweung, tapi lamun nengetan kalimah di luhur (baris 83) bisa bae hartina daerah, jste. Saperti dina baris 595 aya nu disebut Gunung Damalung jeung dina baris 596 aya nu disebut Pamrihan, geuning sanggeus ditalungtik sarua jeung Gunung Merbabu di Jawa Tengah, kitu deui Pamrihan hiji ngaran keur Merbabu keneh ( saperti dina naskah Jawa Tangtu Panggelaran). Aya nu bade napak tilas Bujangga Manik yeuhhh....?, itung itung ngalalana, kitu ge mun boga duit keur inditna....tapi naha kira-kirana Bujangga Manik harita mekel duit teu nya...? MSasmita ----- Original Message ----- From: hangjuang bodas To: [email protected] Sent: Wednesday, January 10, 2007 8:24 PM Subject: Re: [Urang Sunda] Re: Bujangga Manik---> HartosnaTohaan Hatur nuhun ka nu tos ngiring medar hartosna tohaan, jigana naon nu tos didugikeun teh leres sadaya saluyu sareng jaman, kaayaan sarta konteks kecap tohaan eta. Mung sim kuring bade nambihan sakedik, hususon pikeun kasus Bujangga Manik nu ngagaduhan gelar tohaan. Tohaan di dieu sami sareng kecap pangeran pami ayeuna mah, nu dina bahasa inggris na "prince", jiga pangeran charles, pangeran andrew, pangeran henry jst, nu maksadna katurunan langsung ti raja nu keur ngawasa harita (tiasa sabage anak, incu, buyut) nu masih ngagaduhan hak kana tahta sanajan sanes putra mahkota oge. Bujangga Manik gaduh perhatosan anu langkung daria kana widang agama jeung sastra, sahingga tempat-tempat nu dijugjugna seuseueurna mangrupa kabuyutan atawa pamujan, katingalna anjeunna teu pati malire kana urusan pamarentahan, oge teu ngagaduhan pancen pikeun ngawasa hiji daerah, sahingga tiasa aprak-aprakan dina waktu nu lami jeung henteu ngan sawangsulan deuih. cag, pun hendra ".:: kIPeR pERsIb ::." <[EMAIL PROTECTED]> wrote: ngiringan mairan ach.. ngomong soal bujangga manik teh sok ingeut basa jabung jeung Kang Mumu, Kang Agus jeung Kang Adit di SBR bogor. Ceuk aranjeunna cenah naskah bujangga manik nu asli teh aya di laden .. Hmm cenha eta ge teuing fotona teui aslina, tapi basa kuring mogor ka Pak Incohi salahsawios pustakawan bogor, kuring nyaho yen Pak Inochi teh kungsi mogaan naskah Bujangga Manik didinya kungsi di caritakuen yen bujangga manik teh boga tugas kudu nyatet kabuyutan-kabuyutan Pajajaran timimiti bogor nepikeun ka Brebes malihan mah Kang Hendra,jeung reng-rengan ti UI ge kungsi ka Brebes teh malihan mah aya foto-fotona, cag ach .. mapag seren taun 3-4 febuari 2007 http://geocities.com/serentaunsindangbarang http://serentaunsbr.multiply.com
