Nuhun tambahan informasina Kang WAG. Memang leres di Poso teh aya kaceuceub nu teu kaubaran. Tapi masalahna lamun kaceuceub ieu terus dipiara, moal nganggeuskeun masalah. Lamun carana kieu, kaceuceub bisa bitu deui dihiji waktu. Contona karusuhan antara etnik Madura jeung etnik Dayak/Melayu di Kalbar jeung Kalteng. Di Kalbar karusuhan etnik nu mumusuhan ieu, geus kajadian sababraha kali, nu kuring nyaho di taun 1979 oge kungsi kajadian Etnik Madura dibuburak ti daerah Snggauledo Kalbar. Ngan beda jeung Poso, karusuhan SARA di Kalbar, teu mamawa jelema ti luar daerah eta. Kuring muji ka Urang Madura nu aya di Jawa Timur, nu teu pipilueun, teu hayang ngirim "pasukan" ka Kalbar jeung Kalteng. Jadi masalahna bisa dilokalisir ...teu ngarambah kamana-mana.
Beda jeung Poso, karusuhan lokal di Kota leutik ieu (nu ceuk cenah mah dimimitian akibat Politik lokal dina Pilkada) bisa jadi issue Nasional jeung internasional. Loba urang luar Poso nu pipilueun jeung mapanas. Akibatna masalah Poso teu anggeus2. Ditambah deuih ku sikep patugas kaamanan (pulisi) nu siga ragu-ragu, henteu tegas. Tapi Alhamdulillah, Pulisi ayeuna bisa tegas, sabab rek make alesan naon wae, urang sipil nyimpen pakarang komo bari ditumpuk mah, teu meunang di nagara urang mah, ngalanggar hukum. Komo basa kajadian kamari mah, pan pulisina ge dilawan, tepi ka aya pulisi perlaya sagala (Salah saurangna nu perlaya, pulisi urang Garut!). Pulisi diurang, kawentar kualitasna goreng, tapi leuwih goreng deui lamun euweuh pulisi! Baktos, WALUYA
