Kang Smith,
Cobi tepangan Abah Surya di Sundanet. Insya Allah, anjeunna iasa nuduhkeun
kedah kamana kamanana. (Taun 70-an, upami teu lepat, anjeunna kantos
narjamahkeun sawatara drama Shakespeare kana Basa Sunda -- nu dipentaskeun ku
Teater Sunda kiwari. Ieu teater minangka teater Sunda pangmodernna. Lian ti
basa, dramaturgina oge nyandak dramaturgi Barat -- kalebet nu disebat
"kontemporer" tea. Sanaos, kadieunakeun, katingalina aranjeunna marulih deui
kana dramaturgi teater tradisional Sunda -- sapertos lenong, longser, atanapi
topeng. Bandingkeun sareng STB nu, cenah, mere wanda Sunda kana teater-teaterna
-- nu dipentaskeun dina Basa Indonesia. Kalih ti eta, kapungkur, di Bandung aya
sawatara grup Sandiwara Sunda nu neraskeun dramaturgi Barat ala Dardanella
sareng Galih Pakoean. Di antawisna grup Sinar Muda, nu puseur sareng panggungna
di Tegallega. Kiwari, di Jakarta, aya Miss Tjitjih).
Arthur S.Nalan, Saini KM, sareng sawatara dosen ASTI iasa oge janten
panarosan. Kalebet perkawis teater Sunda tradisional nu disebat tadi. Wilujeng.
Baktos,
Pun Maman
ading Smith <[EMAIL PROTECTED]> wrote:
bismillahirrahmanirrahiem
Sampurasun...
sateuacanna nepangkeun sim kuring mahasiswa smester IV sastra sunda UNPAD
kaleresan dina smester ieu sim kuring nyandak mata kuliah telaah drama, anu
dina smester ieu eta mata kuliah teh ngawajibkeun sim kuring ngayakeun hiji
presentasi ngeunaan Perkembangan Drama Sunda, kukituna sim kuring neda bantosan
saderek sadayana nu langkung senior sareng lakung terang perkawis drama, sim
kuring peryogi pisan kanggo referensi sareng pami aya mah sim kuring oge
peryogi salah sahiji naskah drama pikeun panalungtikan sim kuring.
hatur nuhun kana sagala perhatosan sareng bantosanana, diantos pisan
waleranana...
hatur sewu nuhun....
baktos
pun salma
---------------------------------
Sucker-punch spam with award-winning protection.
Try the free Yahoo! Mail Beta.
---------------------------------
Bored stiff? Loosen up...
Download and play hundreds of games for free on Yahoo! Games.
