Saleresna upami para wargi milis enggal lebet ka ieu milis saena mukaan heula pabetekan postingan-postingan heubeul dina Yahoo Groupsna, atanapi noong heula ka web site http://www.urangsunda.or.id atanapi http://www.urangsunda.net atanapi http://www.urangsunda.com tah didinya tiasa dikotektak perkawis-perkawis anu sering janten patarosan wargi milis enggal. Khusus perkawis HBH. ku sim abdi urang pedar deui, naon kasangtukangna, kumaha asal-usulna, naon tujuanana, kumaha prak-prakanana..?? Kasangtukang : Upami urang merhatoskeun postingan dimilis, silih tempas antawis si A, si B sareng si C, sapertos sobat anu parantos dalit, namung upami di taros ka si A, kantos tepang sareng si B atanapi si C..??, walerananan ampir 70~80%an, teu acan kantos tepang, namung aruningaeun si B aya di anu si C aya di anu. Janten dalitna si A sareng si B, si C mung dina milis, di alam maya wungkul. Asal-usulna : Tah ku ayana kasangtukang eta, sim abdi gaduh gagasanan, eta tali silaturakhmi anu tos nganteng diantawis para wargi milis dialam maya, urang raketkeun dialam nyata, tepung lawung, paamprok jonghok. Ceuk pangemut sim abdi, wancina anu mustari kanggo ngaraketkeun eta tali silaturakhmi teu aya deui iwal ti Halal bi Halal sabada boboron siam. Tujuan : Ngawanohkeun anu teu acan wawuh, ngaraketkeun anu tos wawuh, silih wangikeun anu tos raraket, pikeun megaskeun paripaos basa Indonesia : "Tak kenal maka tak sayang". Sajabina ti eta oge, sakantenan milarian waragad kanggo nambih-nambih kencleng yayasan "Perceka" upami aya sesa tina waragad HBH (alhamdulillah tujuan nu ieu mah mung kacumponan dina HBH ka 1 taun 2004 di Cimalati, Sukabumi, HBH ka 2 sareng ka 3 mah lapur kencleng teu ka eusi). Prak-prakanana : Saparantos nyaketan kana waktosna, teras ngadamel rengrengan panata calagra, nembe nangtoskeun tempatna, kalayan dilongok/survey kupanata calagra. Upami eta tempat kapeunteun ku panata calagra, nembe di embarkeun di milis. Catetan : sadaya rengrengan panata calagra, teu dibayar, teu kenging honor, sadayana estuning Lillahi ta'ala, demi Kusnet demi Sunda. Dina HBH sajabina silaturakhmi, tuang sasarengan (katuangan Sunda), aya oge bazaar ti para wargi milis anu nyandak dagangan, aya oge pintonan seni Sunda. HBH 1, dipirig ku mamaos Cianjuran ti Cianjuran. HBH 2, sajabina tipirigan kacapi-suling, aya pintonan tari Merak tari Topeng, sumbangan ti lingkung seni IPB. HBH 3, mintonkeun bubuka Pantun, tari Hadro, longser sumbangan ti grup mahasiswa/i ASTI Bandung, oge ngaleler panghargaan ka 2 seniman Sunda Buhun sareng 2 kuncen Situs titingal karuhun. HBH 4, teu acan aya rarancang Anu kantos janten katua panata calagra dina HBH ; HBH 1, saderek Eko Ruska Nugraha HBH 2, saderek Akos Kosasih, kumargi aya halangan ditangkes ku wakilna saderek Nanang Tedjasukmana/Ndoel HBH 3, saderek Nanang Tedjasukmana HBH 4, teu acan aya..., aya anu kersa sukarela....? Panutup, sim abdi nandeskeun acara HBH, ti Kusnet ku Kusnet kanggo sadaya wargi Kusnet, janten teu aya sareng moal aya anu "di anak terekeun". Sakitu anu kapihatur. ssw anu kantos janten pamangku hajat dina HBH.
http://cikundul3.multiply.com Tong nyaliksik naon nu bisa dicokot ti kiSunda Tapi talungtik naon nu bisa dibikeun ka kiSunda
