tong he love abdi ajak. boa engke mah bakal sering ka museum eta oge museum/tempat aheng sanesna.
ngadongeng ah nungguan hujan raat. kaleresan susundaan teh -sakali deui upami katampi- bade rada seurieus, bade dijantenkeun rencana panalungtikan desertasi. tadi ditaros ku juragan dosen -US- nu masihan rekomendasi. "enyaan rek soal estetika sunda?" "enya, lah. estetika dina widang seni rupa, kalebet arsitektur." "naha apal kitu?" "eh, mun apal mah atuh teu kudu diteangan! prinsipna mah, hirup kudu MASAGI. tah pasagi teh pan rupa. naha US make rupa pikeun nyimbolkeun kasampurnaan?" "enya. tapi kudu saimbang. ulah jadi chauvinis atawa ultra nasionalis. asa urang panghadena." "hehe. can ge nanaon. ari sayah mah rek netral we. teu make kerangka kolonial, nu kalah ka milu ngajejeleh budaya karuhun sorangan, oge teu jadi chauvinis, atawa asa pangalusna. saayana we. ngan cek bu Sri Rahayu-dosen arsitektur itb, desertasina soal peletakan kampung naga, estetika di urang mah eueweuh." cek kuring nunjukeun salah sahiji upaya pikeun nyiapkeun calon panalungtikan sangkan ajeg, utamana can aya nu nalungtik. "tah eta teh pangaruh mikir model kolonial. aya, ngan ku sabab sagala rupana diinstitusionalisasikeunana ku bule jaman kolonial. kusabab make pola pikir bule, naon nu teu sarua jeung pikiranana atawa nu aya dimanehna, naon nu aya di urang dianggap lain, jadi dianggap euweuh." "sok atuh, kesel yeuh nungguan tilu jam." "keu sakedap." gutrut manehna nulis. beres nyieun rekomendasi, diamplopan. si kuring terus miang ka bulubur. dipariksa sagala fotokopian jeung aslina. teu lila, dibalikeun deui. "naon nu kurang?" "eta transkrip magister. lain ti fakultas. tapi kudu ti pasca." "tapi pan ieu ge transkrip magister." "tapi lain ti pasca. nu eta teu berlaku." "iraha wisuda?" "2001" manehna jeung ibu2 terus nyarita duka naon. si ibu ka file cabinet. mawa map hiji. mikeun transkrip kertasna rada kandel. oh ieu? cek jero hate. naha bet uing teu nyaho ti baheula? aya formulir nu kudu ditanda tangan. aya ngaran uing didinya. "tah nu ieu nu berlaku. ayeuna jung fotokopi heula ke dilegalisir." nanya satpam tempat motokopi nu deukeut di balubur (pasar balubur geus kari urutna, pindah sementara cenah ka lahan PDAM). aya tempat fotokopi di gedong sabeulah. ngopi sapuluh siki. kapalang aral. balik deui ka loket tadi bari ngasongkeun kopian. "ieu bu. sabaraha hijina? sarebu nya? cek kuring sok tau, pedah di fakultas oge sakitu." "enya." golosor dibayar. si ibu terus ngacap. "tiasa ayeuna, bu?" "ke cobi sonten. nu kedah nawisna nuju teu aya." pasti dekan sekolah pasca. rek terus ambek. tapi teu jadi ngan seuri bari balik ka pangulinan. naha urang fakultas mere transkrip, mun aya aturan yen transkrip teh ti pasca? jauh meureun, ti jalan ganesha ka balubur. komunikasi jadi kurang komo mun jakarta papua atawa aceh manado. heuheu... mj http://geocities.com/mangjamal
