Asswrwb. baraya, khusuna ka ayi Adang.
Di Plbgna di mana yi? aki tams oge damel di unsri, mung kaleresan ayeuna nuju
di Msia. Perkawis Pawatekan Urang Sunda, rupina aya saena oge upami ditingali
tina nepotisme mah. Margi urang teh diwengku ku Bhineka Tunggal Ika, sadaya
suku sami hakna. Janten urang sunda mah turutaneun suku-suku anu sanesna. Tong
kabawa kusakaba-kaba, pamadegan urang sunda mah kedah ajeg, saha wae anu layak
teu jadi panghalang. Janten sanes teu hoyong ngabantos, mung kaleresan sok eleh
wae, naha pedah batur nepotisme tea kitu?. Anu pasti urang sunda mah tara
nonjol-nonjolkeun maneh? Khususna dina jadi pamimpin, mungkin kadasaran ku
budaya sareng Agama. Upami budaya anu awon(upami eta sikap kitu) cobi dirobah
ku urang sunda kuanjeun. Namung ti sisi agama (Islam) anu nonjolkeun maneh anu
maksadna menta kadudukan (sigah kampanyeu pemilu, pilih kuring) teu saluyu
sareng ajaran Islam mah ?? Konsepna jigah tadi, saha anu layak wajar jadi
pamimpin. Kitu manawi yi, pamadengan aki mah.
andang1969 <[EMAIL PROTECTED]> wrote:
Ieu mah punten sanes sim kuring bade ngeritik urang sunda sorangan,
tapi sakadar rek ngedalkeun pamikiran pribadi kuring mengenai sifat
jeung watek urang sunda, utamana mah pawatekan urang sunda anu aya
diluhur, anu jadi pajabat, anu boga kakuasaan jeung sajabana.
Kuring geus lila hirup ngumbara teh, pundah-pindah ngalalana. Ayeuna
kuring hirup di Palembang, nagri deungeun.
Anu sok rada heran naha geuning urang sunda mah lamun manehna diuk
dina jabatan luhur teh watekna beda jeung suku anu lian. Urang sunda
mah tara boga niat rek ngajak atawan mere jalan kasasama urang sunda
anu liana.
Contona kieu. Aya hiji pajabat Kapala Dinas, urang sunda di lembur
deungeun. Tapi geuning manehna mah teu ieuh boga kahayang rek
nagabantuan atawa ngajak ka urang sunda lian.
Coba tempo suku lain. Mun anu diluhurna urang Batak, pasti dihandap
teh reuteum pisan urang batak. Timimiti tukang sapu nepi ka jabatan
luhur, pasti urang batak.
Kitu oge urang Bugis, maranehna mah sok ngahaja ngajak dulur jeung
barayana pikeun ngeusian kasempatan gawe atawa usaha, samemeh ngajak
anu lian.
Tapi ari urang sunda mah beda. Mun bosna urang sunda, anu dihandapna
mah pasti lain urang sunda. Mun aya oge urang sunda didinya, tara
dipalire ieuh.
Memang anu model kitu teh ngarana Nepotisme. Tapi ceuk kuring mah teu
salah lamun anu diajak teh boga potensi, sabab urang mana oge sarua
boga hak, kaasup urang sunda.
Tah kukituna, ka baraya sunda anu boga ajen luhur, jabatan terhormat,
ajak bae dulur-dulur urang sasama urang sunda. Bantu maranehna. Jeung
saha deui silih tulungan teh lamun lain jeung pada dulur urang
sorangan. Ulah rek poho ka dulur baraya. Ulah hanyang senang sorangan.
Mun boga kasempetan pikeun ngabantu dulur, buru-buru lakukeun. Ulah
kakara boga niat waktu geus pansiun atawa geus teu boga huntu deui.
Peupeujeuh.
---------------------------------
We won't tell. Get more on shows you hate to love
(and love to hate): Yahoo! TV's Guilty Pleasures list.
