GEMYUNG
Plang blep. Plang blep .. Kitu sorana basa diajar nepak dog-dog. Nya nepak
eta dog-dog teh leuwih ti sajam-na, ari lengeunmah geus cangekul jasa jeung
siku meni beurat. Tapi kusabab rada panasaran hayang nyaho nu kumaha gemyung
teh antukna mah maksakeun.
Mun res ingeut basa HBH di Pasantren keresek tea Cibatu garut, panan aya
hiji kasenian buhun nu ngaranna HADRO atawa TERBANG tea. Mun urang bandingkuen
mah irama na sarua, matak monoton atawa pibosen jasa, kusabab irama na kitu
jeung kitu weh. Lajuna dina hiji buku kungi ngabahas rehna kasenian nu kawas
kitu teh komo monoton mah aya unsur magis atawa hubungan jeung dunia luhur.
Sok sanajan kitu ge nu matak waas atawa sedih teh naha geuningan kasenian
basa gemyung teh nu mitonkeun na teh geus karolot. Komo kudu nepak dog-dog kitu
bari simultan sa jam mah teu kabayang.
Tapi sok sanajan kitu ge masih keneh aya seniwan nu malihara kasenian buhun
kawas Geyung. Tapi basa diajar nepak di eta gemyung, salian aya dog-dog oge di
variasikeun jeung tarumpet, kendang. Nu matak waas jasa teh nu niup tarompet na
teh geus kolot bari niup na teh pipina nepikeun ka peot-peot, laju weh nu nepak
kendang na sarua ge geus kolot.
Ieu gemyung nu kungsi ku si kuring ningali jeung nyobaat nepak teh, dumukna
mah di Padepokan Dangiang Dongdo nu aya di komplek P dan K Kabupeten Subang.
Ari tempatna mah di imah panggung nu arsitekturna mah nyundaa jasa komo di
tutupan ku hoe jeung sok reus inguet ka imah nu aya di daerah Cibedug atawa nu
katelah na mah Kasepuhan Cibedug nu watesna mah paunteung-enteung jeung urang
Kanekes.
Di imah atawa panggung ieu teh kasenian gemyung teh sok didimimitan bada
Isya nepikeun ka jam 11-an unggal poe jumat peuting. Ceuk kokolot atawa nu
katelah ceuk kuring mah wa haji, gemyung Subang teh geus kamana mendi , sabab
beda jeung gemyung-gemyung buhun. Ieu gemyung teh geus divariasikeun jeung
degungan, komo deui kiwari geus aya unsur kibot (rada campring basa na punten
ach....).
Keur kuring mah, nu ngaranna budak ngora satuju pisan kumaha ceuk wa haji
ngeunaan variatif teh. Sabab barudak ngora kiwari beda jeung kolot baheula,
sabab kasenian basa buhun teh geus kudu bisa ngigelan jaman, nya ari basic
gemyung na mah kudu nyoko ka gemyung baheula. Gemyung teh bisa divariasikeun
jeung lagu SKA, atawa lagu HIP-HOP , sabab mun cara na miluan tren na barudak
ngora kiwari, jigana mah gemyung atawa kasenian-kasenian buhun atawa kasenian
nu lianna bisa aya regenerasi.
Mun barudak ngora geus bisa miluan atawa ngalestarikeun kasenian-kasenian
buhun atawa nu lianna, jigana mah matak waas nu nepag dog-dog atawa hardo teh
komo deui niup tarompet na teh barudak ngora keneh , jeung deui urang moal
pareumeun obor komo deui kadeseh ku budaya barat nu teu saluyunan jeung budaya
urang.
Cag Ach
Yayan Mulyana
http://yayanm.wordpress.com
---------------------------------
Yahoo! Mail is the world's favourite email. Don't settle for less, sign up for
your freeaccount today.
