1. RAMPA
a. Manéhna rumpu-rampa kana pésak, rék nyokot ududeun. (ngarampa
kaditu-kadieu siga nu lolong atawa lantaran poho dina pésak mana barang
diteundeuna)
b. Cing ngarampa sarung téh. (ngadekkeun ramo kana barang atawa pikeun
mikanyahi kaayaana)
c. Pantes rék terus rampa-rimpi ogé, tuda manéhna mah teu bisa cacarita
dihareupeun umum. (teu puguh anu dirampa atawa dicabak lantaran gugup atawa anu
keur ngalindur.)
d. Kudu asak rampa néangan piminantueun téh ulah ukur nilik pangkat
jeung kakayaanana wungkul. (asak sasar, asak timbangan)
2. MEDU
a. Cik atuh péso medu kieu mah ulah dipaké meuncit hayam, karunya !
(mintul)
b. Daék medu, lain kuring nu nganteurkeun Nyi Dédéh téh, tapi cép Oyak.
(busung, bareuh beuteung)
3. MOPO
a. Dibéré nanjak saeutik ogé terus mopo geuning, ari geus kolot mah.
(eureun leumpang satengahing jalan atawa eureun digawé lantaran béak tanaga
atawa pohara capéna)
b. Ulah waka mopo méméh nanggung atuh, apan can prak digawéna ogé.
(ngarasa wegah méméh pék ngajalankeun pagawéan)
4. LANDUNG
a. Landung teuing baju téh, mani siga meunang nginjeum. (panjang ka
handap)
b. Anu pantes jadi kokolot mah kudu jalma anu landung kandungan laér
aisan. (gedé tinimbangan atawa gedé hampura)
5. LANTUNG
a. Saban poé, lamun keur hade poéna, Nini Ijah sok ngalantung diburuan.
(leuleumpangan senang-senang teu jauh tu imah)
b. Karunya Jang Entang téh, sakitu geus jadi insinyur tapi luntang
lantung keneh. (teu boga gawé)
c. Cing piceun tai kotok lantung téh, Nyai ! (tai hayam anu kacida bauna)
d. Mésér minyak lantung tujuh léter, Mang ! (minyak tanah)
6. LAYEUS
a. Kudu dibeulahan heula kai téh. Gedé teuing ukuran sakitu keur layeus
mah. (kaso-kaso, usuk)
b. Anu nyasab di gunung téh mani geus langlayeuseun, untung kaburu
kapanggih. (kalaparan atawa beak tanaga)
7. HÉMAN
a. Nyaah bari sok mindeng barangbéré atawa ngalongokan.
8. JOLÉDAR
a. Lalawora kana kawajiban sarta teu héman ka baraya.
eMODY,
Elmu tungtut dunya siar,
hade turut goreng singlar,
mun korupsi burut siah..!!!
---------------------------------
Sekarang dengan penyimpanan 1GB
http://id.mail.yahoo.com/
