Sapoe jeput pepegatan, pasosore kakara bisa deui lalayaran. Nyiar luang ti alam maya, bet manggih blog anu dipiboga ku anu asa kungsi rada wanoh. Kapincut ku signature-na dina unggal posting, anu sigana memang jadi kayakinan manehna: "Pangéran mah teu maén dadu!"
Ari nempo potona mah asa pangling. Baheula begang kawas galibna mahasiswa, ari ayeuna ngeusi nembongkeun kasawawaanana. Di handap ieu salasahiji tulisan dina blogna, Kadarsah si Cogito Ergo Sum! Blogna ngeunaan Kasundaan tiasa dibuka di alamat URL http://kadarsah.blogspot.com/search/label/Kasundaan Jampé Harupat <http://kadarsah.blogspot.com/2007/05/jampe-harupat.html> Jampe-jampe harupat Geura gede geura lumpat Sing jauh tina maksiat anaking Ngarah salamet akherat Jampe-jampe harupat Geura gede geura lumpat Susah senang omat sholat anaking Beunghar kade poho zakat Jampe-jampe harupat Pek dudunya satakerna Lir ibarat hidep di dunya Rek hirup saumur dunya Jampe-jampe harupat Prak ibadah satakerna Lir ibarat hidep di dunya Rek cacap engke sareupna Dodoja datang tong kalut Sanghareupan make imut Ulah rek aral subaha anaking Sing percaya ka nu kawasa Maha welas maha asih Moal aya pilih kasih Sagala nu karandapan kuhidep Tangtuna bongan sorangan Ti bapa ieu pepeling Ngarah hidep hirup salawasna eling Heunteu berang heunteu peuting Hidep kudu soleh satungtung nyaring -- sikandar kumincir.blogspot.com
