Poe minggu na acara teh dimimitian ku sibukna panitia, sabab geus loba tamu
nu deuk ilibiung di acar ieu teh, dina poe ieu ge aya sms ti kang badru nu
dijakarta manehna sakulawarga deuk ka KBS teh, nya teu lila papanggih jeung
kang badru teh, didinya oge aya ki hadi, jeung ki dudi bari cacahan.
Geus bada isya, acara teh dimimitian ku doa nu dipingpin ku ustad yadi,
didinya aya manakiban heula nya aya kanu sajam-an. Geus manakiban jeung nadua
mah murak kadaharan weh, sok komo aya sate embe mah geunah pisan.
Ari isukan na acara teh aya kasenian mangrupa tepak seeng, kabeneran pisan
di menteng teh aya deuk kawinan. Nya sakalian mintonkeun panganten di hinur ku
tepak seeng tea, ieu kasenian teh geus hese jasa, sok komo nu hiji mawa seeng
nu hiji deui kudu bisa nepak seeng na bari taki-taki make pencak silat tea.
Ari kapeutingna semah tamu ondangan mimiti daratang sok komo disbudpar ti pusat
mah, salian ti eta oge aya rombongan ti Putra Jamparing Subang, ti rengrengan
Kabupaten Sumedang, Kabupaten Garut, Kabupaten Bandung, Kabupaten Bogor salaku
tuan rumah, jeung kabupaten Sukabumi.
Ari ieu rengrengan teh di tempatkeun na di imah pangiwa jeung panengan nu
dihandap tea. Bari mawa rengrengan teh bari aya balandongan nu fungdi na keur
pameran hasil pernak-pernik ti daerahna masing-masing. Kawas ti Garut mawa
kadaharan has garut samodel dodol garut, ti Bandung mawa kadaharan samodel
kolek nu di asupkeun kanu bekong, ti sukabumi mah kuring karek nyaho nu
ngaranna honje tea, ari ti Bogor mawa karajinan has Bogor na, ti Sumedang mawa
kadaharn has na jeung ti subang mawa kadaharan sarupaning papais cisaat, ganas
simadu.
Ari peutinganna aya acara samodel calung, jaipong, mgagondang jeung Reog nu
di pingpi ku mang karna jeung mang fendi. Ieu acara teh rame pisan sok komo
rengrengan ti Fotografer dot net mah jejepretan da geus ilaharna karesep
manehna. Di peuting ieu ge kuring bisa Social Engineering ceuk basa kiwari mah
cacahan jeung Abah Lili ti Kabupaten Bandung. Jeung manehna oge diajar cara
nyieun bako banget nu racikanna make bako, pahpir jeung daun kawung barang di
udud teh ajip pisan beda jeung roko-roko biasa.
Geus beres acara mah kabehan nare di imah nu geus disadiakeun ku panitia
nya lumayan kabagean di imah pasanggrahan jeung rengrengan ti UI, UIN, UNJ
jeung ti ANTV tea. Nya sabab rada hese sare mereun katirisan mah ada ngobrol
heula ngaler kidul jeung nu aya didinya sabari nanggoan nundutan.
Pas poe salasa na acara puncak, nang kang gubernur teh teu jadi datang
malihan mah diwakulan ku wagub na jeung bupati bogor oge kitu teu dongkap di
wakilan ku wakil bupatina, ari pak budiana mah salaku kapala disbudpar Jabar
mah dongkap geus tilu kali mineung ka sindangbarang teh ti mimit seren taun nu
kahiji.
Ieu acara teh dimimitian ti lapangan inpres, didinya barudak sakola SD geus
ngajajara di sisi jalan bari nyepengan bandera bereum bodas sakalian nyambut
kang gubernur tea sok sanajan teu jadi datang oge. Nya teu lila jam 9-an
helaran teh dimimitian lelempangan ti lapang inpres nepi ka dukuh menteng.
Ieu iring-iringan teh rada ngamacetkeun jalan nu kajalan dukuh menteng
sabab loba nu lalajo, sok komo masarakat didinya mah tumplek kabeh. Bari miluan
ngabring teh rengrengan ti fotografer dot net aya nu motoan barudak sakola nu
ngajajar, aya oge nu motoan rengkong jrrd.
Sanggeus aya mereun sajaman, nepi ka dayeuh dukuh menteng KBS tea didinya
nu jadi MC na teh bah asep jeung teh rani. Ari di imah gede geus kasampak
pupuhu kang maki, pa ajat, pak budiana, kang arthur, ma ageung ,pa pohman jeung
budayawan nu lian-na.
Mimiti nu mitonkeun teh ti kabupaten bogor bari ngusung rengkong jeung mawa
tanggungan nu eusina hasil rayak sindang barang ieu temana nyaeta seren taun
tea. Sanggeus kitu rengrengan ti Bandung nu boga tema na Wuka Buku nyaeta
sukuran hasil tatanen ti kabupaten bandung nu diwakilan ku urang pangalengan.
Laju weh ti rengrengan Kabupaten Garut nu mawa tema terbang tea, teu jauh oge
mawa rengkong oge nu eusina pare, laju simbung ku Kabupaten Sukabumi nu
diwakilan ku Kasepuhan Sirna Resmi nu mawa tema oge Seren Taun, ti Sumedang oge
kitu mintonkeun seni topengna, tah ditutup ku Kabupaten Subang nu mintonkeun
antraksi Sisingaan ti Putra Jamparing jeung kasenian Lais.
Didinya oge karek kanyahoan nu kumaha lais teh, sabab apal na oge ngadenge
hungkul. Naha geuningan lais teh hiji kasenian kawas teterekalan ka tangkal
tapi ieu tangkal teh make awi nu dua lenjeur ditangtungkeun tungtung na awi di
talian make tali nu kuat jadi katingalina mah jiga kawas gawang American
footbal tea. Tidinya aya nu nerekel kaluhur, beu meni bisaan sanggeus di luhur
awi teh maneh na puputeran make beutengna, mun ceuk sakaol mah matak sieun
ragrag kahandap da jangkungna aya kanu 5 meteran leuwih. Sanggeus kitu si akang
opik nu mintonkeun eta lais teh pupurintilan dina talina sok komo si awi teh
geus ngeyod bakating ku beratna, si akang eta oge puputeran di luhur teh. Teu
kungsi lila manehna turun ti luhur teh bari nyorodo laju weh panontong teh
keprok sabab kakarekeun ningali kasenian model kieu.
Acara nu pamungkas mah nyaeta tepang pare tea saluyu jeung tema Festival
ieu, nu mana pare-pare teh disimpen lka leuit jeung ngahijikeun ciniis dina
gentong. Nu matak kataji ieu acara teh salah sahiji kamonesan budaya urang, sok
weh piraku kasenian urang nu beunghar teh deuk dibawa ka luar nagri jeung di
aku-aku deui , caliwura pisan mereun , deuh sugan weh bisa kuer nyaangan nu
pareumeun obor.
Cag Ach
---------------------------------
Yahoo! Answers - Get better answers from someone who knows. Tryit now.
