Hatur nuhun Kang Rachmat kritikna, ke sugan seratan perkawis Pabukon Kusnet mah urang milih heula tema dasarna. Kamari dua dinten saatos lebaran, aya nu ngurunyung ti Solokan Jeruk (daerah pasisian Bandung, daerha di jalan anu bade ka Rancaekek ti Ciwastra malah tidinya teh tiasa teras ka Majalaya), inyana guru honorer di SD. Pangna inyana ngurunyung teh salian ti silaturahim bada lebaran, sakantenan ngajak sim kuring jadi redaksi hiji majalah bulanan anu digagas ku inyana, nyaeta nerbitkeun majalah bulanan nu eusina ngaguar perkara pabukon anu aya di SD, bari sakalian ngawadahan sora FKGBI (duka leres henteuna ieu teh rada hilap deui, asana singkatan tina Forum Komunikasi Guru Bantu Indonesia) cenah mah ieu forum teh wadah guru honorer. Sanggeus ditimbang-timbang jadi redaksi mah asa teu kabadanan lantaran teu pati apal kumaha seuh-seuhanana kaayaan guru bantu tur pabukon di SD-SD, ari ngan sakadar "mejeng" wungkul mah kanggo naon, tungtungna sim kuring ngan sakadar jadi kontributor, tah ari jadi kontributor mah teu aya halanganana utamana jadi kontributor tulisan dina ngajak ngaronjatkeun "minat baca", ngaronjatkeun karep maca tea. Sahenteuna ari nyerat hal eta mah mun milarian referensi dina internet teh teu hese teuing. Nami majalahna Orbit, diluhurna nganggo tulisan "news in education", ieu nami jeung implik-implik news in education ti inyana, sim kuring teu ngagomeng-gomeng eta nami, cocog atanapi henteuna, mangga we eta mah. Ceuk inyana Orbit teh wancahan tina Reading Habit duka tah ari O na naon. Nya engke sim kuring bade nyerat perkara pabukon Kusnet didinya, tapi duka terbit anu mana, margi anu munggaran mah tos lebet ka tukang maklun ( anu ngalebetkeun kana program publisher atanapi page maker). Sim kuring ge jadi tukang nampanan email anu ditujukeun ka ieu majalah, emailna [EMAIL PROTECTED] , terbit munggaran ahir sasih ieu, saurna sakantenan diedarkeun dina acara halal bi halal para guru sa-kabupaten Bandung. Sim kuring ngomat-ngomatan kahade ulah jaul dedet. Ka baraya sadayana bilih bade nyumbang tulisan mangga diantos, dina basa Indonesia, seueurna kirang langkung 4000 karakter kalebet spasi dina format doc, utamina ngeunaan ngaronjatkeun karep maca tea. Hatur nuhun.
MSasmita ----- Original Message ----- From: MRachmat Rawyani To: [email protected] Sent: Saturday, October 20, 2007 3:34 PM Subject: Re: [Urang Sunda] Re: Hadiah Lebaran nu rada elat sakali useup urang dilegleg ku lauk, saterusna eta useup jadi 'bangenan'. Kitu panginten ngagambarkeun, upami tulisan urang tos midang di media, saterasna eta media jadi gampil ngamuat hasil karya urang. Tapi aya sarat sanesna, upama hiji tulisan 'diajenan' ku redaksi media, nya eta perkara topik sareng referensi. Dina kasus seratan Uwa Sasmita, topik anu diangkat teu acan seueur digarap ku penulis sanesna. Tapi mangpaatna seueur/ageung pikeun balarea. Atuh referennsina oge, kaetang rada luar biasa oge, aya kutipan pamikiran urang asing. Perkara ieu, bahan atanapi referensi, Dina hiji waktos Uwa Sasmita kantos ngobrol sareng kuring, cenah ku ayana internet, gampil pisan milarian bahan seratan atanapi referensi, kantun 'lalayaran' wae di google. Tapi nya kitu tea, nyeepkeun waktos sareng kedah sabar. Tapi aya kritik sakedik kanggo Uwa Sasmita. Padahal mah kanggo bahan referensi dina seratan Uwa Sasmita, dilebetkeun info anu paling enggal, perkawis pabukonna KUSnet di wewengkon Jawa Barat. Jigana teu acan aya data saeng info anu akurat perkembangan sareng kaayaan pabukon di derah-daerah. Hiji waktos mah, pengelola pabukon di daerah sina ngadongeng/nyerat pangalamanana, teras diedit ku Uwa Sasmita, dikintunkeun ka Kompas. baktos, mrachmatrawyani
