Sing saha wae anu kamari nungkulah acara HBH KUSnet 2007, pasti moal rugi. Kuring mere istilah ka para anggota KUSnet anu sok ngahadiran acara HBH, lir ibarat geus boga getih goib, anu hese dijelaskeun. Istilah goib ieu, ngahaja dipake, nyutat tina katerangan kang Deny( atawa Kang Maman Gantra, kuring poho deui) anu nganggap KUSnet teh hiji barang goib, sabab teu katempo bungkeuleukanana (=dunya maya), tapi karasa mangpaatna, ngaraketkeun sakumna urang Sunda sajagat, sok sanajan dipisahkeun ku jarak (dimensi waktu jeung rohangan). Jadi lamun nanya ka Kang Tito anu dumuk di Surabaya, ngahaja ti poe rebo keneh aya di Bandung, pikeun nungkulan HBH KUSnet, pangdorong naon nepi hayang ngahadiran acara HBH KUSnet, pasti hese mere jawaban anu pasti. Nya kitu deui, lamun ditaros ka Kang Ganjar, anu nepi ka dua kali datang,pasti Pak Rektor Unpad boga iketan batin anu kuat ka KUSnet. Kitu oge lamun nalek ka Apih Sidik, anu tiap HBH teu kendat sumping sareng istrina (urang Korea), Nani (putrina anu alumni FISIP UI), pasti moal kakorek alesan utama ngahadiran HBH. Ari soal naon anu dipadangkeun dina acara HBH KUSnet,tempatna dimana, eta mah nomer ka sabaraha teuing. Tapi anu utamana mah, HBH teh pikeun kuring mah, jiga "cuci darah", ngabeureumkeun deui getih goib KUSnet.
Pamungkas, lamun Mang Ayip Rosidi boga hiji tradisi mere ajen ka para pangarang jeung pemerhati kabudayaan, anu taun ieu nincak ka 17 terus-terusan, teu aya salahna lamun KUSnet oge nyieun acara HBH sacara terus terusan tiap taun, pikeun "ngabeureumkeun" getih Goib para anggota KUSnet. baktos, mrachmat uidipura __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com
