Senen kamari, ngulem kang Yaya ka pangulinan, sina medar sagala rupa ngeunaan nu keur ditalungtikna.
Acara gayana mah seminar. Ngahaja ti anggangna pesen waktu. Nya kamari teh ngajemput kang Yaya beres seminar di jurusan Biologi UPI Ledang, Almamater kang Ya (S1). Ngabandungan naon nu dipedar kang Yaya, jadi nambahan pangaweruh jeung kareueus ka lemah cai sanajan rumasa teu bisa ngamumule komo mun bisa bari ningkatkeun ajen surajena. Judul seminarna Indonesia Biodieversity and Bioprospecting. Diantara medar kondisi alam endonesia jeung sabab musabah sagala rupa aya. Utamana tatangkalan, pepelakan, jeung ngabuktikeun ku cara ilmiah yen karuhun urang teh geus bener dina make bahan ti alam pikeun urusan kasehatan jeung ubar hiji panyakit. Lalab jeung sajabana loba manpaatna pikeun urang. Koneng gede upamana, ngandung zat nu bisa nyageurkeun sagala rupa panyawat. Tayangan make infokus ngagambarkeun diantarana kakayaan budaya flora di urang oge ras jelema. Beda2 ti aceh nepi ka papua. Nepi ka urang korea ari ka urang cenah sok bingung, naha ari urang indonesia nu mana? Haha. sabab ari urang korea mah homogen, ti kaler nepi ka kidul sarua kitu, sarupa. Beda jeung di urang. Oge mun dibandingkeun, nagara urang jeung negara batur, utamana nu aya jauh ti khatulistiwa, di urang sagala aya, di batur sabalikna, sagala euweuh. Ti duren the king of fruit, manggu, the queen of the fruit nepi ka salak, sawo, cau jeung sajabana aya. Di batur mah euweuh. Ngan aya sababaraha rupa. Siga di bule ngan aya apel, anggur, pier, naon deui? Strawbery blueberi paling ge. Tapi meureun geus ditakdirkeun saayeunaeun, urang karek nepi ka dieu. Eleh ku batur nu memang teu boga nanaon. Aya carita cenah, bakat ku terpesona kana karyana-wilayah nusantara, pangeran nepi ka poho ngeusian eusi sirah jelemana. Haha. tapi eta mah ngan heureuy. Da buktina, kang Yaya geus nembongkeun yen US oge urang endonesia sejena, ku atikan jeung lingkungan nu hade (mendukung/kondusif) mah bisa jadi jelema nu pinterna teu eleh ti batur, kaasup ti bule nu kungsi nganggap rasna leuwih unggul tea. Beda tempat beda budaya. Budaya urang ku karuhun nu nyiptakeunana geus mangrupa wujud nu hade, kari dialusan dilemesan atawa diinovasi disaluyukeun jeung jaman bari jeung kudu apik. Eta we oncom, fungus atawa jamurna cenah ngandung bakteri nu bisa nyegah kanker, jeung rea-rea deui pamanggih kang Ya. Teu nyangka nepi ka dinya.
