saur sim kuring mah, eta teh bisnis jurig... naha kitu?? ari titingalan sim kuring mah, pemasarana nganggo media massa, duka TRU*** tur majalah2 flora/fauna sanes oge panginten janten salah sahiji nu ngaramekeun eta bisnis... heuheuheu..........
jiga kamari2 basa aglaonema nuju naek daun (jiga hileud wae...), aya nu ngetang harga teh tina jumlah dauna... dugi ka mangpuluh2 juta euuhh..... ayeuna nuju usum anthurium, abdi mah mung saukur hook basa nguping aya nu ngical (berarti aya nu ngagaleuh nya??) eta tangkal anthurium pangaosna 40 juta.... beuuu........ langkung awiz batan si kukut kuring nu sok dianggo ider-ideran ulin jeung baraya kusnet sim kuring oge kalebet nu resep kana sagala tutuwuhan, komo kembang mah. pami ningali kana tren mah, ti sababaraha taun ka pengker, seueur kembang nu ngadadak naek pamor, tapi mung sataun dua taun kitu na teh. sapertos adenium, euphorbia, aglaonema... jrrd... (pami teu lepat nyeratna eta ge...) dongkap nu anyar, nyaa leesss weeeh nu lami mah ilang pamor boh lungsur pangaosna... harita basa euphorbia rame, satangkal nu tacan kembangan tiasa 50rebu nu biasa2, dugi ka ratusan rebu pami nu tos kembangan mah. ayeuna mah 10 rebu oge kadang2 sok ditambihan ku nu dagang teh da hehe.. kitu deui adenium, deuuuh... dua tilu taun kamari mah, meser 30 rebu teh karek kembangana ge 2 taun hihih... kamari mah ngaborong 4 tangkal mung 20 rebu, bari ditambahan eta ge deuih... taaaahhh masalah anthurium ge, sim kuring mah "curiga nyah mah" bakal jiga kembang2 eta di luhur nasibna teh dina awal taun payun. tah pami tos kitu, kantun sim kuring nu ngaborong, cekap modal puluhan rebu kanggo pangaos nu tadina ratusan/jutaan... punten rada jarang mosting ngagebay... wayahnyah kedah diaozz... hehehe... nuhun ah -dikdik- **sakadar sumbang pamikiran..., ari kuring mah, tetep da kana anggrek nu pangresepna teh... --- In [email protected], "Roro Rohmah" <[EMAIL PROTECTED]> wrote: > > Wilujeng wayah kieu baraya... > Ubral-obrol perkawis Anthurium, ngiring ngadongeng ah... :) > > Harééng Anthurium > > Béda ti Lebaran kamari-kamari, kuring meunang SMS ti adi kuring nu eusina kieu : > > Tatkala sejuta Anthurium daun yang hadir* > Terlukis sesuatu yang indah darinya. > Semanis Gelombang Cinta > Semerbak Hookeri Merah dan Hijau > Seelok Black Beauty Burgundi > Seunik daun Variegata > Secerah harapan pada sebuah Jemani > Seiring Corong mengumandangkan Takbir kemenangan > Allahu Akbar 3x. Minal Aidin Wal Faidzin. > Mohon maaf lahir & batin. > > Kuring ngan ukur seuri* hahah* dasar tukang kembang! > > Terang terus, éh terus terang kuring gé sabenerna keur meujeuhna katarajang "harééng Gelombang Cinta" nu sakitu "panas"na* Dauna héjo meles, sisina galing arela-areli, pakang jeung urat-urat daunna kacida weweg, nyanghareup ka luhur bangun boga wibawa. Pantes mun dilandih Kembang Karajaan nu sok diingu ku para ménak/ningrat, deuih hargana mahal kabina-bina. Teu anéh mun kunu jegud jeung loba duit, kembang ieu dibeuli pikeun nambahan géngsi. > > Sakapeung kuring gé teu ngarti naha harga Anthurium téh bisa mahal-mahal teuing? Piranagé kembang? Kamari mah maca dina Manglé nepi kaaya nu hargana samilyar sagala!Gusti Nu Agung! Nya, paingan atuh teu salah-salah teuing mun loba jelema nu kabongroy hayang téréh beunghar. Aya benerna ogé, yén masyarakat urang can bisa nangtunkeun mana nu diheulakeun. Mun ninggang dinu malarat masakat mah tipada meuli kembang kitu patut, mendingan meuli kéjoeun. Tapi ari jalema nu ngarti tur resep kana kaéndahan katambah boga duit mah, nya teu nanaon lain? Asal duitna duit tiis lain tina hasil maling, korupsi atawa pungli. > > Salaku awéwé kuring gé resep pisan kana kembang & pepelakan, pangpangnamah nu ngahasilkeun daun, sabab bisa jadi ubar keur panon jeung matak nyecep kana haté, pokonamah kaéndahanana teu bisa digambarkeun ku kecap atawa kalimah. Maklum tuda sapopoé ti isuk bentuk nepi ka soré jedér molototan baé komputer nu haben nyorotkeun radiasi. Katurug-turug aya béja ti adi kuring yén kiwari keur mahabu kembang Anthurium. Panasaran ogé éta kembang téh jiga kumaha? kuring ngan bisa sosorodotan ningalian di Internet, tina buku/koran & majalah. Ningali kitu adi beuteung kuring karunyaeun, manéhna haat méré kuring tilu kembang anakna kayaning Jemani, Gelombang Cinta jeung Variegata. > > Capé haté boga ingon-ingon téh, da buruan imah indung kuring heureut pisan, éta kembang dibawa ungkrah angkrih kaluar kajero. Isuk-isuk rék gawé, ku kuring diakutan ka luar, dicéboran, diilik-ilik ti sisi ti gigir, teu sidikna ditatap bari diusap. Mun keur kaparengan nyalsé sok dielapan ku busa, méh daunna hérang (héhéh*kaciri euweuh gawena téh). Keur "dahareunana", aya cai urut ngisikan sok dibanjurkeun lumayan jadi marontok, aya cacing & kutu daun dipiceunan. Kacida atoh jeung bungahna mun mucunghul pidauneun anyar, dinangna néngné jiga nanggeuy endog beubeureumna. Balik gawé liwat Magrib, ku kuring diampihkeun, da bisi disikat ku beurit, maklum beurit Sunda tea beuki lalab, kumaha mun dihakan? Jabaning mani baradag, meujeuhna keur saté-un atawa dijieun baso heheh*. Salian éta, pangpangnamah bisi aya nu maling*ngégél curuk pan? > > Manglayang, kitu ngaran toko kembang Anthurium bogana adi beuteung kuring. Naha lain Lawu nu deukeut ka imah manéhna? Bromo, Kendeng, atawa Kelud nu keur meujeuhna "batuk" jeung ngaran gunung-gunung lian nu aya di Jawa Timur? Majarkeun teh nineung pisan, sabab STPDN tempat manéhna baheula ngalap élmu aya di tutugan Gunung Manglayang jeung pamajikanana urang Sunda. Gawé bareng jeung babaturanana, manéhna ngajual ti mimiti siki nepi ka kembang nu jangkungna aya kana sameteran leuwih. Ti mimiti harga puluhan rewu nepi ka puluhan juta (promosi* baradé yeuh*! heheh*). Manéhna bur-ber asruk-asrukan nyiar Anthurium ka wewengkon sejen salian ti Jawa Timur tuluy disasar ka Jawa Tengah kaasup puseurna di Karanganyar Solo jeung Yogyakarta, geus puguh ari ka Lembang mah remen bulak-balik jiga jalan ka cai. > > Mun baraya kungsi maca dongéng kuring nu judulna "Kumaha Éngké" pasti masih kénéh inget kumaha bingungna adi kuring ngajalanan sakola Perwira Polri nu ngayakeun pundut pundé ka siswana lain ratus rebu deui, tapi nepikeun ka puluhan juta bari jeung teu boga modal. Geus jadi rusiah umum, remen nu nanyakeun mun geus lulus ti eta sakola,"Beak sabaraha?". Loba babaturanana nu geus beak mobil & imah. Alhamdulillah, kersaning Gusti milik mah timana wé* nepikeun ka dilantikna akhir bulan Oktober 2007 kamari manéhna dimodalan ku bati dagang kembang Anthurium. > > Basa poé pelantikan nu lumangsung di Sukabumi, nu datang tisiklukna ti suklakna, ti Aceh nepikeun ka Papua. Diramékeun ogé kunu dagang ti mimiti baju, cocoan, dahereun, sato jeung bungbuahan, aya ogé nu dagang kembang eros. Loba diantara kulawarga nu dilantik mareuli éta kembang jang kabogoh, salaki atawa pamajikanana. Sanggeus bérés acara, pating burubul kulawarga mikeun kembang eros sewang-sewangan. Adi beuteung kuring culang-cileung da teu kapikireun méré kembang keur pamajikanana tanda reueus, bungah jeung bagja, tungtungnamah ngomong kieu,"Dek, tau gini Mas bawain Gelombang Cinta yang tingginya semeter itu dari rumah*hahaha. " > > ro2 > > On 11/19/07, tenni supardi < [EMAIL PROTECTED]> wrote: > kenging ti milis tatangga, mugi-mugi mangpaat... > > Mewaspadai Wabah "Gelombang Cinta" > > SETELAH masa booming bisnis ikan lohan berlalu, kini masyarakat menghadapi kesibukan baru, yakni wabah gelombang cinta! Jenis tanaman hias itu seolah menjadi sihir baru yang mampu menggerakkan hati orang-orang yang sebelumnya bahkan tidak punya ketertarikan sama sekali terhadap tanam-tanaman. >
