Nuhun Ua, sim kuring tos ngontak kang Ukas, Insya Allah minggon ieu rengse saurna. Tah perkawis ngirimna sim kuring usul tos we ka kusnet Garut, pasti lah aya baraya kusnet di Garut nu tiasa dititipan, janten peti kantun disampeur pami bade ka Ciburuy. Peti teu dipulangantingkeun Madiun, Bdg, Grt janten ngirangan bohak, pocel kagesek2. Kang Ukas bade ngecek kepakan peti nu sae tur aman.
Kitu heula ti sim kuring. Ayeuna tos usum hujan....hawa nu matak ngariweuhkeun naskah kabuyutan Salam JP Makarya Mawa Raharja ----- Original Message ---- From: MSasmita <[EMAIL PROTECTED]> To: [email protected] Sent: Monday, December 3, 2007 5:55:46 PM Subject: [Urang Sunda] Peti kanggo Kabuyutan Ciburuy tea. Ieu mah laporan we ka baraya sadayana, pedah nu ngawitan ngunclungkeun ka Kusnet perkawis peti di Kabuyutan Ciburuy tos koropok teh sim kuring, teras disantok ku Kang Tirta nu umajak sangkan aya "action by prak" ngagentos peti. Kamari nampi telepon ti Kang Ukas, Kusnet di Madiun, anu sanggem pesen peti kanggo Ciburuy. Peti meh rengse didamel. Ngadamel peti teh dua siki ukuranana 50x50x70 cm, pangaosna 550rebu sapeti janten jumlah jamleh sajuta saratus rebueun teu acan ongkos kirim ka Kabuyutan Ciburuy Garut. Waragad anu tos aya 500rebu eta ge sami ti baraya Kusnet keneh teras aya kasanggeman ti Kang Tirta kanggo nambihanana, sabaraha-sabarahana mah gumantung Kang Tirta we, da teu acan betus. He he. Jadwal rengsena eta peti dina minggu ieu, janten elatna pertengahan desember ge tos dugi ka Ciburuy, peti enu koropok tangtos tos tiasa di gentos. Pangna ngadamel peti di Mdiun kahiji mah milari kai jati anu kolot tur sae di Bandung rada sesah, anu aya teh siga kai jati ngora, sareng katingalna rada cangcaya, malum sim kuring teu patos apal kai jati. Kaduana aya kasanggeman ti Kang Ukas anu dumuk di Madiun. Kukituna ngahaturkeun nuhun ka Kang Ukas nu tos paciweuh di Madiun, atuh teu ka kantun ngahaturkeun nuhun ka Kang Aschev Suraschev, ka Kang Tirta, ka Mang J kum we ka baraya sadayana anu tos kersa ulubiung dina "Project of Peti Kabuyutan Ciburuy". Bilih ieu mah aya baraya anu bade nambihan piwaragadeunana atanapi bade sanggem ngakut ti Madiun dugi ka Garut mangga we kontak ka Kang Ukas atanapi ka sim kuring ge mangga. Ieu wartos hal peti teh tos didugikeun ka Ceu Tien Wartini (filolog pangsiunan ti Museum Sribaduga) sareng Kang Hawe ti PSS, Ceu Tien sareng Kang Hawe ngahaturkeun nuhun ka baraya Kusnet anu tos neundeun katineung kana ngamumule naskah-naskah kuno Sunda nu aya di Kabuyutan Ciburuy. Manawi we sasieureun sabeunyeureun janten lahan amal kanggo urang sadayana. Amin. MSasmita ukur pipilueun, pedah we dibenum janten koordinator ku kang Tirta. heu heu...!! ____________________________________________________________________________________ Be a better pen pal. Text or chat with friends inside Yahoo! Mail. See how. http://overview.mail.yahoo.com/
