assalamu'alaikum
sampurasun!
nepangkeun simkuring wasta pun ilham nurwansah, pami nenehna mah nya sami we
(ilham), kawit mah ti Cianjur namung ayeuna nuju dina lalampahan nyiar
pangaweruh ngeunaan kasundaan di UPI jurusan basa Sunda, tingkat 1.Simkuring
aya ku kataji ka Kang Dian TN anu parantos naratas aksara Sunda sangkan tiasa
dianggo dina komputer oge ka Kang Everson anu parantos ngarojong dina
ngajengkeun proposalna. Tah dina usaha ngarojong Kang Dian saparakanca
simkuring ge hoyong ngiring aub kana widang ngadesain font-na kana rupi-rupi
model. margi anu parantos kauningan ku wargi kusnet nembe dua model, sanes
kitu? ngalagena.ttf sareng pakuanlatin.otf, nya simkuring ge parantos ngadamel
sababara model anu upami kaetang hade mah nya teu acan panginten, pan simkuring
ge lelengkah halu keneh ari kana teknologi mah.. tapi nya mugi simkuring tiasa
ngarojong dina ngamekarkeun aksara Sunda husuna dunia komputerisasi...kitu
cenah, dugi ka ayeuna simkuring rutin ninggal perkembangan
kumaha-kumahana aksara Sunda ku browsing sareng ku ngirirngan ieu milis, mugi
Kang Dian atanapi nu sanesna tiasa ngabantosan simkuring nu gaduh pamaksadan
kieu.hatur nuhun!
____________________________________________________________________________________
Never miss a thing. Make Yahoo your home page.
http://www.yahoo.com/r/hs
