Sabenerna, lamun apal kana asal-usul maksud kecap "Manakiban", antara "manakiban" jeung "ngadongengkeun lalakon sang eyang syekh" teh eta-eta keneh. "Manaqib" dina wanda ieu hartina : kautamaan.
Aya sababara manaqib, lian ti manaqib Syekh Abdul Qodir Jaelani anu mashur di Tanah Jawa (Tanah Sunda ceuk US mah hehehe), sabenerna aya Manaqib anu sejenna, malah tingkatan para sahabat. Malah aya kitab- kitab khusus anu medar Manaqib Syaidina Ali kw, Manaqib Syaidina Abu Bakar r.a, jst. Anu matak narik ati memang kamekaran budaya manaqib ieu dina konteks ka Indonesiaan. Gusar-geserna prak-prakan acara manaqib ti hiji tempat ka tempat sejenna luyu jeung sosial budayana eta lahan panalungtikan anu ngemploh pisan. Ngan lain perkara gampang. Sahenteuna, dina riungan teh kudu wae aya ajengan atawa rengrengan praktisi anu geus biasa ngalaksanakeun manaqiban salaku narasumber. Hal sejenna anu narik ati tina fenomena: manaqiban anu baheula nepi ka - di sawatara tempat - ayeuna minangka budaya Islam pilemburan ayeuna geus mimiti ngageser (rek) jadi budaya pakotaan oge. Aya naon? Aya kakosongan wanda ngalaksanakeun agama di pakotaan anu karasa garing (balukar pangaruh hiji dua sub madzhab dominan di pakotaan?) atawa kasono urang kota kana acara-acara model ritual saperti kitu? Wallohu 'alam. Ngan, anu kapanggih di pakampungan anu biasa ngalaksanakeun manaqiban, sakapeung sok jadi asup kana babasan "Cul Dog-dog Tinggal Igel". Ari lalakon Syek mah hayoh dipedar nepi ka bubuk anu laleutikna kayaning kumaha cara tuangna, kasaktian-kasaktianana jeung unak-anik anu nuduhkeun kumaha hebatna sang Syekh. Tapi, mataholangna yen satemenna makom anu kahontal ku hiji jalmi teh taya lian ti bajoangna dina kamanusaan (atawa ceuk basa barudak sakolaan mah: dimensi sosial dina Islam) arang langka diguar atawa dijadikeun catetan minangka talatah anu penting tina maqiban. Muga-muga wae manaqiban di PSS ieu laju jadi panglumpatan, nostalgia kana kaasyikan ibadah ritual. Amin. Wilujeng. manAR --- In [email protected], "MSasmita" <[EMAIL PROTECTED]> wrote: > > Kang Mgt. Mangga diantos pisan, teu langkung bade "ngahadirkeun" Ajengan Maman oge, malih sae we upami kersa hadir teh. Mung biasa pan sawala di PSS mah sanes sawala terbatas, sanes sawala jugala, he he...kalebet "susuguhna". > > Kang Mamat, baruk osok manakiban..? > Tah pangalaman eta nu perlu teh, jadi aya anu anu teu ngalakonan kitu. Memang aya dua istilah aya nu nyabut Pangaosan Layang Syeh aya oge anu nyebut Manakiban. Bedana teu sabaraha ngan ukur prak- prakanana. Enya aya beda gumantung ka anu ngalalakokeun, jeung anu ngalakonan (anggap we anu ngalalakonkeun mah anu maca riwayat Kangjeng Syeh, ari nu ngalakonan mah anu jadi sahibulbet-na, anu jadi pribumina aya maksud naon). > Tah perkara ieu pisan anu rek diguar. Lamun beda kunaon beda, lamun sarua naha bet sarua. > Nuhun kana infona, ke urang jadikeun pertanyaan keur Julian Millie jeung Kang Iip. > Sok atuh "hadir" di Taman Kliningan II No.5, sugan we hadir atuh. > > MSasmita > > > ----- Original Message ----- > From: Maman Gantra > To: [email protected] > Sent: Wednesday, December 12, 2007 2:50 AM > Subject: [Urang Sunda] Re: Sawala Manakiban di PSS > Insya Allah abdi dongkap, Wa. > Ajengan Maman ti Majalengka diulem heunteu? Sigana tiasa ngiring > ngareuah-reuah. Matotoskeun pakaleng-kalengna Islam sareng budaya > Sunda. Manawi. > > MGT > > ----- Original Message ----- > From: Mamat > To: [email protected] > Sent: Wednesday, December 12, 2007 7:43 AM > Subject: Re: [Urang Sunda] Sawala Manakiban di PSS > > Punten Ua Sas.... ngalempengkeun sakedik... > > Biasana anu sok "manakiban" teh pengamal Torikoh ti reh-rehan Syeh Abdul Qodir Jailani... > Anu kalakonan ku Abdi ... tara susuguh siga kieu..... duka upami ti Jalur sejenana mah.... > > Dina Manakib tara kasebat-sebat "hadir" atanapi "ngahadirkeun"..... > > Manakib tara nyabit-nyabit dewi Sri... anu dibaca dina manakib "lalakon" atanapi "pangalaman" Syeh AQJ kalawan eusina ..... > nya ari nyeuweunamah kana dzikir lahir jeung dzikir batin... > > > Punten Ua ...rada leuir.... biasa riweuh ku "cicing"..... > > Wassalam : > Mamat rachmat mantan jajaka kapaksa... >
