aduh karunya teuing teh roro..... asa inget pangalaman kuring basa jaman sakola tea sesah milarian minyak bau...basa keur kemping di gunung ciremai, kuningan akhirna abi nganggo palapin lumayan naheur cai sareng ngaliwet janten tereh.....
mangga nuhun.... ----- Original Message ---- From: Roro Rohmah <[EMAIL PROTECTED]> To: [email protected] Sent: Thursday, January 3, 2008 2:58:06 PM Subject: [Urang Sunda] Minyak Lantung Minyak Lantung Geus sababaraha poe ieu indung kuring ngangluh, pedah hese manggihan minyak lantung. Sanajan aya kompor gas nu bisa dijadikeun alat pikeun mirun seuneu keur barang asakan, tapi indung kuring teu pati resepeun make kompor gas, pangpangnamah sieun ngabeledug. Buktina geus remen kadenge loba kahuruan alatan kompor gasna meledug keur dipake masak, boh ku ibu rumah tangga atawa ku tukang dagang. Sabenernamah loba pisan kauntungan make kompor gas teh, salian ti bersih, gancang asak jeung teu ngabalukarkeun hideung kana hateup jeung tembok imah. Teu jiga minyak lantung, nya bau, nya matak hideung ka sabudereun dapur. Tapi angger we indung kuring mah mbung lesot tina minyak lantung nu geus mimiti hese diteangan, kajeun teuing teu make gas. Ningali kaayaan kieu, indung kuring jadi teu daek cicing di imah, kulantang kulinting we asup kaluar kajero ningalian jelema nu lalar liwat, susuganan aya nu beubeunangan meuli minyak lantung. Kabeneran aya tatangga nu ngulampreng hareupeun imah mamawa jalikeng eusi minyak lantung, indung kuring langsung curinghak,”Meser dimana? Sabaraha? Aya keneh teu?Diwatesan? ...” ni norostos lir kacang ninggang kajang. Kabeneran kuring keur pere, langsung dititah meuli, Alhamdulillah meunang 5 leter, tapi hargana naek jadi tilu rewu rupia saleter. Isukna. Isuk keneh pisan geus pasulabrengan jalema nu marawa jalikeng keur nyiar minyak lantung, bur-ber kaditu kadieu. “Bu, kumaha atuh abdi masak? Titatadi milarian lisah tanah teu mendak…” ceuk tatangga kuring mani ngahelas ka indung kuring di hareupeun imah. Nyalukan tukang cai, dongengna sarua,”Hawatos ibu-ibu nu di blok C mah teu nyarangu, teu aya lisah tanahna…da, kompor gas teu garaduheun… Ni kacida pamarentah teh nya? ka rahayat alit nyiksa pisan…. Kiwari mah mani alahbatan jaman keur perang…” ceuk manehna dumareuda. Kuring yakin, eta tukang cai can pernah ngalaman jaman perang, da umurna ge sahandapeun kuring…hayang seuri aya..heuheu. Bener we, pas kuring indit gawe katingali loba jalema ngantay keur ngantri di sisi jalan. Jalikeng dibariskeun, ditalian ku benang rapia, bari meulina teh kudu ningalikeun KTP jeung Kartu Keluarga, ni riweuh nya? Ceuk ceunahmah dina koran kayaan hese minyak lantung teh balukar tina loba jalema nu kasieunan ngadenge iber yen bakal dikurangan pasokan keur pangkalan minyak lantung. Salian ti eta hargana di pangkalan kaitung jadi leuwih murah. Jadi inget keur di lembur, jaman aya keneh aki kuring, mun hararese minyak lantung, babari kari ngala suluh ka pasir, leuweung atawa gunung. Teu kudu nuar tangkal badag, cukup ku mulungan rangrang nu ragrag tina tangkalna. Dipake mirun seuneu dina hawu nu dijieun tina taneuh liat atawa batu. Mun seuneu ngaleutikan kari ditiupan ku songsong tina awi…phuffff….phuufff… Barangasakan teu kudu rupa-rupa, mun teu dikulub, diseupan, dibeuleum, dibubuy atawa cukup ku dideangkeun diluhureun seuneu. Numatak kolot baheula mah paranjang umur da kadaharanana ge nu kararitu jeung teu arapaleun deuih nu ngarana kolesterol, asam urat, panyakit jantung jeung kangker. Babari mirun seuneu make suluh soteh mun keur usum halodo, tapi mun usum ngijih jiga ayeunamah…nu meus-meus ngecrek…meus- meus ngecrek, nya hese oge neangan pisuluheun nu garing teh. Sakapeung mun aki kuring keuheul-keuheul teuing teu manggih pisuluheun, pager, bilik atawa kai lisung sok jadi korban dipake keur mirun seuneu…heuheu… nu penting mah dapur bisa ngebul. Ketang jaman kiwari mah loba pasir, leuweung jeung gunung gararundul euweuh tangkalan, rek meunang suluh timana? Ari di kota? Baroraah bisa mulungan suluh, najan sakalieun pager ge euweuh, da rata-rata dijieun tina beusi ngarah aman. Ari teu ku minyak lantung jeung gas mah, make naon atuh? Kompor listrik? Waduh… rekening listrik pasti ngabareuhan… Teuing ah… lieur! ro2 rahayatleutik nb : gambar dicandak tina Kompas dinten ieu. ____________________________________________________________________________________ Never miss a thing. Make Yahoo your home page. http://www.yahoo.com/r/hs
