Wilujeng wayah kieu,
Dina danget ieu kuring bade ngiring babagi inpormasi materi anu hade ngenaan "Business Quotient" [BQ] jalma, masyarakat, bangsa Jepang - "Rahasia Bisnis Urang Jepang" anu di sadur ti WDN_Center Moderator (Kang Retno Kintoko & Ann Wan Seng) Insya Allah tulisanana dihanca-hanca kulantaran panjang jeung... Mugi jadi inspirasi, motipasi, epos, bongbolongan kanggo sadaya unsur komponen masyarakat bangsa Indonesia dina ningkatkeun sumanget ikhtiar kana gawe, gaya hirup jeung sumanget bibisnisan. Rahasia Bisnis Urang Jepang Meunang : Ann Wan Seng Diajar tina : Langkah Raksasa Sang Nippon Mengusai Dunia 01. Nilai Hirup Urang Jepang "Rahasia kasuksesan urang Jepang aya dina kamampuan maranehna nu bisa gancang adaptasi" Mangsa bom atom Amerika ngancurkeun puseur Kota Jepang taun 1945, sakabeh ahli ekonomi harita boga pipikiran yen Jepang moal lila bakal bangkrut. Ngan, dina waktu kurang leuwih 20 taun Jepang singhoreng bisa maju jeung bisa nyaingan perekonomian nagara anu nyerangna. Kabuktian, panghasilan taunan nagara Jepang saingan jeung Amerika Serikat. Komo dina widang teknologi, Jepang ngiliwuri jadi raksasa di luhureun nagara-nagara gede jeung nu kawasa laina. Dina kakurangan sacara pisik, teu paseh bahasa Inggris, kakurangan sumber tanaga nu digawe, jeung ancaman bencana alam rupana teu ngahalangan pikeun maranehna jadi bangsa anu dihormat ku dunnya. Ann Wan Seng ngaboleklakeun sikep hirup, sikep gawe, sumangat gawe babarengan, jeung prinsip urang jepang anu ngajadikeun hasil nu matak reu'eus di paekonomian nagarana. Tulisan ieu salain mere cara jeung rahasia urang Jepang tapi oge mere inspirasi supaya urang daek usaha alatan ikhtiar. "maranehna anu kungsi naek Gunung Fuji, luyu disebut jalma bijak. Tapi, maranehna anu naek gunung eta kaduakalina alusna disebut jalma bodo." - Rahasia paribasa Jepang - Gunung Fuji anu luhurna 3.776 meter mangrupakeun gunung pangluhurna sakaligus simbol pikeun rahayat Jepang. Bentukna anu agreng beuki nguatkeun kana landiana nu disebut gunung keramat. Baheula, wanoja sampat dicaram naeki gunung Fuji lantaran dewi Gunung Fuji bakal timburu. Gunung Fuji anu artina "keabadian" ngajadikeun panambah sumanget pikeun masyarakat Jepang supaya terus mikir kreatif (ngulik) dina kaayaan anu teu mungkin (mustahi). Eta salah sahuji fakto kunaon Jepang bisa sukses nyekel dunya sanajan boga sagunung kakurangan. [hanca]
<<attachment: ~WRD000.jpg>>
