Ongkang-Ongkang nagara urang sagala kasorang ayeuna muriang loba hutang gede panjang puguh hutang teu dipikahayang pejabat ancang-ancang anggaran rancang KKN hayang LPJ curang cumpon kahayang duit meunang raos tuang mobil herang dipikaresep mojang geulis lenjang ongkang-ongkang nagara urang sagala kasorang dpr tandang ngomong capetang lantang norowelang nyieun undang-undang duit meunang raos tuang mobil herang meunang mojang mani lenjang ongkang-ongkang nagara urang sagala kasorang pilkada datang calon tandang duitna sagudang maen curang silih serang jiga perang meunang senang duit mulang ongkang-ongkang nagara urang sagala kasorang pulisi nilang supir muriang duitna beunang setoran kurang geus beurang dununganna nyangangang matak salempang ngarasa hariwang barudakna hanaang tacan maradang pulisi senang ongkang-ongkang
nagara urang sagala kasorang abg midang awakna lalenjang papakean ngarangsang pada mikayahang kolot ngagarayang dicoo kubujang paduduaan tataranjang beuteung mendeyang abortus akang moal wirang sapatemon gampang ongkang-ongkang nagara urang sagala kasorang lalaki hidung belang nganjang datang ka warung remang-remang wts lelang terus ngarangsang kana ranjang beurang manggang peuting ngaraliang jiga binatang germo senang duit meunang ongkang-ongkang nagara urang sagala kasorang leuweung bolenang balas ditebang tanah gersang hujan datang banjir bandang rahayat ngajengkang jiwa ngalayang bugang ngarambang bieung disumbang anu nebang ongkang-ongkang nagara urang sagala kasorang bencana daratang gempa ngaguncang timbul gelombang flu burung nyerang barudak baregang beuteung bungkiang kurang madang gizi kurang sumbangan datang pangurus hayang saparo beunang ongkang-ongkang nagara urang sagala kasorang warga gararang marawa pakarang ngalugas pedang silih serang nyawa ngalayang pulisi datang misah nu perang provokatorna miang ongkang-ongkang nagara urang sagala kasorang ujian datang syarat teu kapalang 5,0 gampang mendiknas nangtang masyarakat nentang sakola tegang maen curang lulus senang ongkang-ongkang nagara urang sagala kasorang na tv tayang artis goyang sukuna jegang matak ngarangsang ulama lantang demo nentang artis meunang tetep goyang duit didulang produser senang ongkang-ongkang nagara urang sagala kasorang narkoba dipikahayang pada neang pikiran ngalayang samar kahayang sakow nyerang kejang-kejang bandar datang mawa karinjang obat terlarang tuluy dilelang duit meunang ongkang-ongkang nagara urang iraha kasorang? hukum meunang kolusi ngajengkang nepotisme ngababatang kajahatan jarang koruptor ditendang duitna mulang lunas hutang konglomerat nyumbang rahayat kasumbang bisa madang boga sandang sagala gampang cumpon kahayang bencana ilang leuweung rindang laut tenang cai harerang barrokah datang nagara tenang jadi nyongcolang turis daratang betah nganjang mareuli barang karajinan urang bungah nu daragang rahayat senang ongkang-ongkang http://awan965.wordpress.com/
