Lamun aya nu masih percaya kana ayana hal ghoib, teluh, teu teurak dikadek
jeung sajabana eta diwajibkeun. Kudu percaya! Sabab aya makhluk nu jadi
perantara nyaeta "Jin"
Tapi mun aya keneh nu muntang salain ka Allah, saperti Jimat, isim, khadam,
bahkan ka Jalma atawa Jin. Eta diharamkeun ku Allah asup syurga. Sabab nu kitu
kaasup syirik nu kacida ageungna nyaeta menta pitulung salian ka Allah.
Midua....
Hoyong teu teurak ku teluh mah, aqidah urang kudu mantep, kudu inget yen
Allah nu maha kuasa tina sagala kakuatan. Lamun tos keuna, enggal nga-ruqiah
diri. ku urang nyalira. Sabab mun urang percaya yen ustadz nu dipiwarang
ngarukiah bakal nyageurkeun, eta termasuk syirik oge. syirik ka jalma.
Wallahu alam
Tuh geuning, teu jaga-jaga teuing walesan ti Allah kanu sok midua Anjeun na
mah, didunya keneh geus keuna.
Ka US nu masih keneh ngangge jimat, enggal piceunan .....tos teu jaman ah..
Waluya <[EMAIL PROTECTED]> wrote:
Taun 1972, waktu kuring kelas II SMA, babaturan nu urang Rancakalong,
hariweuweus, cenah di lembur nu deukeut jeung lembur manehna, keur aya
gerakan ngabersihkeun para tukang teluh.
"Dibersihkeun kumana?", ceuk kuring teh.
"Nya dilekek", cenah bangun sugema, lemburna aman ti pagawean tukang teluh.
"Ah maneh mah, kumaha ngabuktikeunana, eta jalma tukang teluh?", ceuk kuring
teh heran.
"Gampang, cirina lamun aya nu pasea jeung tukang teluh, nu maseanana sok
gering, malah aya nu tepi ka hanteuna"
"Lamun kitu mah, loba meureun nu dibersihkeun teh?"
"Geus tujuh urang!"
Saminggu saprakna paguneman kuring jeung babaturan, warta ngabersihkeun
tukang teluh teh ngajeblag dina Pikiran Rakyat. Korbanna pas 7 urang,
saperti nu disebut ku babaturan. Ceuk warta eta teh, tujuh urang nu
disangka tukang teluh, ditelasan, terus mayitna dikuburkeun dimana wae. Nu
jadi algojo urang lembur Tanjung siang Subang, cenah ngahaja disewa ku urang
Rancakalong, da meureun teu pati tega ari kudu nelasan batur salembur mah.
Harita Sumedang rada "geunjleung" sabab jarang aya kajadian samodel kitu,
malah sainget kuring tepi ka ayeuna, ngan harita-haritana kajadian samodel
kitu di Sumedang. Waktu di sidang, pangadilan pinuh kunu hayang nyaho.
Ngagunusiksa batur ku jalan mistik, diurang disebut teluh, jarang disebut
elmu sihir. Kapercayaan kana teluh kuat pisan diurang, salian di
Rancakalong taun 1972, kajadian ieu sababraha kali mucunghul di Jabar
bagean kidul sababarha taun katukang. Hanjakal ngabuktikeun ayana teluh,
hese. Kungsi maca cenah perkara teluh teh rek diasupkeun kana hukum positif
pidana, keur nampung "aspirasi" masyarakat nu kuat keneh kapercayaanana kana
teluh. Tapi duka lebet henteuna mah, nu jelas acan kungsi ngareungeu tukah
teluh asup ka pangadilan kulantaran disangka neluh.
Ceuk cenah, di aturan jaman Majapahit baheula, aya undang-undang anti teluh,
teu jelas jiga kumaha tah jalma baheula ngabuktikeun tukang teluh. Eta
baheula, tapi ayeuna di Arab Saudi, lamun disangka jadi tukang sihir teh
bisa dihukum atawa paling henteu ditewak pulisi. Saperti nu kaalaman ku
Ruminih jeung Tari TKW ti Indonesia nu ditewak pulisi Arab Saudi, kulantaran
disangka tukang teluh. Maranehna diasupkeun panjara terus disiksa. Sanggeus
Indonesia "turun tangan", dua urang Indonesia nu keur sial ieu, poe ieu
dibalikkeun ka Indonesia. Aya deui dua urang TKW nu tepi ka hanteuna disiksa
ku dununganana, kulantaran disangka neluh dununganana!
Naha kumaha urang Arab Saudi boga bukti yeng TKW nu dikirim ti urang teh aya
nu boga profesi Tukang Teluh? Tah ieu nu cilaka, kulantaran beda budaya tea.
Bangsa urang sok percaya kana jimat atawa isim, biasana keur maksud
kasalametan. Tapi mamawa jimat jeung isim ka Arab Saudi bisa jadi mamala,
disangka jadi tukang Teluh. Dina warta sababraha bulan katukang aya TKW nu
mamawa siki jambe (sigana mah keur jimat) , kapanggih, langsung dituduh
tukang teluh. Meureun, siki jambe keur Urang Arab Saudi kaasup barang aneh,
da di tanah arab mah euweuh tangkal jambe.
Teu di nagara sorangan, teu di nagara batur, dituduh jadi tukang teluh nasib
bisa sial. Di urang bisa dikoroyok batur salembur, di nagara batur malah
leuwih, sabab pamaretahna oge pipilueun percaya kana teluh ...leuwih cilaka
deui.
Baktos,
WALUYA
---------------------------------
Never miss a thing. Make Yahoo your homepage.
