Assalamu'alaikum
baraya, dina raraga ngamumule seni sunda, kuring sareng inohong sunda di
lingkungan UIN Syarif Hidayatullah Jakarta rencana bade meser saperangkat alat
gamelan sunda/degung...manawi aya anu terang naon wae alat2na? kinten2 sabaraha
pangaosna? dimana kedah meserna? anu kumaha anu sae soantenna? maklum abdimah
kirang apal, mung resep we ngupingkeun nana.....hatur nuhun sateuacanna...
bakto,
yayan
----- Original Message ----
From: Maman Gantra <[EMAIL PROTECTED]>
To: [EMAIL PROTECTED]
Sent: Wednesday, April 30, 2008 12:37:51 PM
Subject: [Urang Sunda] Perkara Furu dina Khilafiyah #2
Perkara Furu dina Khilafiyah #2
Di luar perkara kakurangan tadi, pikeun jalma bodo kawas kuring, ieu buku lain
bae mere kaweruh anyar ngeunaan sawatara hal. Tapi, oge negeskeun atawa
muguhkeun hal-hal nu salila ieu ku kuring dianggap ukur cenah, “dongeng”, atawa
riwayat nu teu jelas sumberna. Da, ukur ngandelkeun ingetan atawa katerangan
lisan. Enya. Contona, ngeunaan Bagenda Ali r.a salaku ulama nu manggihan elmu
nahwu. Salila ieu, informasi ngeunaan hal eta kuring ukur ngadenge. Ukur
informasi lisan. Ku ieu buku, informasi tadi diujratkeun mangrupa tulisan nu
puguh bungkeuleukannana. Ieu buku, keur kuring, nyodorkeun “tradisi tulis” nu
bisa dicekel kalawan panceg. Ninggalkeun “tradisi lisan” nu remen ngahudangkeun
patanyaan: Na bener heunteu omongan kiai teh? Boa-boa, sanajan anjeunna nampi
eta riwayat atawa amal-amalan teh ti guruna, asal-usulna mah teu jelas atawa
bohong pisan. Kadar mitos, hasil ngawawaas sepuh-sepuh kapungkur. Di mana lain
dongeng ge, boa-boa nu
ditepikeun teh geus robah eusi atawa maksudna. Da ngarandapan deviasi
informasi tea.
Ngan, perkara tadi, transformasi tina budaya lisan kana budaya tulis tea, dina
paningal kuring, oge jadi kalemahan utama atawa kakurangan poko ieu buku –
sakumaha nu nyampak di umumna buku agama di urang -- nu beh dituna, nembongkeun
lemahna profesionalisme ulama-ulama atawa pamedal urang dina perkara nulis
atawa nerbitkeun buku. Utamana mun eta buku dipiharep jadi hiji buku nu miboga
kadar ilmiah nu luhung, nu tangtuna jadi paniatan nu nulis oge pamedalna.
Paling heunteu dina nanjeurkeun standar nulis/medalkeun buku nu sipatna ilmiah
atawa boga tendensi ka dinya. Boh mangrupa catetan kaki, indeks, daftar
pustaka, oge ngaoptimalkeun fungsi editor jeung korektor aksara.
Siga ceuk tadi, bener ieu buku teh leubeut ku informasi-informasi nu tadina
“ukur cenah” sakumaha mayakpak dina budaya lisan, bari ngabungkeuleukeun jadi
informasi tinulis. Tapi, “transformasi” tina budaya lisan kana budaya tulis ieu
dipilampah kalawan teu junun, teu nepi ka jucung. Kadar satengah hate.
Contona perkara Bagenda Ali r.a. salaku pionir elmu nahwu tadi. Ti mana
satemenna, Syekh Al Hamid mendak informasi ngeunaan ieu? Naha tina hiji kitab,
cariosan ti sepuh-sepuhna atanapi guru-guruna, atanapi kumaha? Mun tina kitab,
kitab naon? Saha nu nyeratna, mangsa iraha? Mun tea mah kawilang kitab modern,
nu dicitak massal jeung jelas pamedalna, nya wedalan mana, iraha, citakan ka
sabaraha, jste? Oge, tina lebah mana eta kitab dicutatna teh? Pon kitu deui
sawatara hadist atawa riwayat nu dicutat ku anjeunna. Contona, perkara Ibnu
Mas’ud r.a nu ngaharewoskeun Serat Al Mu’minun ayat 5 ka hiji jalma pikeun
nyadarkeun eta jalma tina kapiuhan. Asal-usul riwayat ieu, keur kuring, teu
jelas. Dina harti, nya ti mana anjeunna kenging informasi ngeunaan hal ieu? Mun
dina elmu hadist mah, meureun, sanad-na teu jelas.
Bisa jadi, Syekh Al Hamid, oge pamedalna, boga hate nu beresih jeung alus
sangka: Yen kumna nu maca ieu buku sami-sami ulama sapertos anjeunna. Hartina,
hal-hal siga di luhur teu kedah dijelentrekeun deui. Dianggap geus jadi kaweruh
umum. Dina emutan aranjeunna, ieu buku leuwih mangrupa “reminding”
(ngahudangkeun ingetan) pikeun data atawa informasi nu geus nyampak dina
kaweruh nu maca. Malah, kadar kompilasi jeung kodifikasi tina informasi lisan
nu geus nyampak dina kabudayaan urang (pasantren). Lain informasi anyar. Tapi,
faktana: Teu sakabeh nu maca geus miboga informasi ngeunaan naon nu ditepikeun.
Karuhan nyaho sumber-sumberna, saha jeung naonna. Contona, nya jalma atah warah
siga kuring.
Leuwih ti kitu, ku ngabejerbeaskeun perkara sumber tadi, sakur nu maca bisa
leuwih telik deui dina ngudag informasi lianna – sanajan, keur sawatara urang
atawa keur sawatara kasus, karasa pamohalan, rada hese dilaksanakeunnana:
Perkara kitab Qa’idah Jalilah Fit-Tawassul Wal-Wasilah, contona. Mun tea mah
ieu buku mere informasi nu leuwih lengkep ngeunaan eta kitab, ku cara
nyebutkeun pamedalna kiwari, nu maca bisa neuleuman elmu Syaikhul Islam Ibnu
Taimiyah leuwih jero. Pon kitu deui kitab-kitab lian nu dicutat atawa kadar
disebut dina ieu kitab.
Jentrena perkara kitab-kitab eta, atawa sumber-sumber informasi lian nu dicutat
atawa kadar disabit-sabit ku nu nyerat, lain kadar keur ngudag bener-heunteuna
informasi nu ditepikeun dina ieu buku -- nu kaluar tina nafsu nu sipatna goreng
sarupaning suudzon atawa “hayang nguji”. Tapi, oge bisa ngadorong nu maca
pikeun ngorehan kaweruh leuwih jauh. Teu pamohalan, misalna, nu maca kadorong
ku nafsu tolab elmu, panasaran, hayang maca kitab-kitab buhun nu dicutat atawa
nu disabit-sabit dina eta buku. Sanajan, ukur tarjamahna. Hartina, mun eta
kalaksanakeun, udagan minterkeun jalma loba (nu maca) teh leuwih kahontal.
Kasawang, mun tina 250-an kitab atawa risalah nu dicutat atawa disebut-sebut
dina ieu buku – nu dina daftar pustaka ukur ditatataan 47 buku -- saparapat
atawa sapersapuluh di antarana bisa dibaca jeung diteuleuman langsung ku nu
macana, teuing sabaraha ulama anyar nu lahir alatan ieu buku atawa ngilu
dirojong ku (daftar pustaka) ieu buku.
Maman Gantra
Jalan Salemba Tengah 51,
Jakarta 10440.
0812-940-5441
________________________________
Be a better friend, newshound, and
know-it-all with Yahoo! Mobile. Try it now.
____________________________________________________________________________________
Be a better friend, newshound, and
know-it-all with Yahoo! Mobile. Try it now.
http://mobile.yahoo.com/;_ylt=Ahu06i62sR8HDtDypao8Wcj9tAcJ
