> From: Nana Suwargana > ceuk cenah > pejuang penentang darwinisme asal Turki ayeuna keur dibui > aya anu terang informasi lengkapna > karunya da
Leres Kang, wartana kungsi ku kuring diposting didieu. HY dihukum lain kulantaran nentang teori Darwin, tapi dituduh nyieun yayasan ilegal terus ngumpulkeun duit keur kapentingan pribadi. Dina blog-blog oge aya nu nyebutkeun HY oge disebutkeun ngalakukeun tindakan kriminal sejenna. Malah cenah kungsi ngablokir blog-blog di Turki nu nentang teori manehna. Duka leres henteuna mah, ngan nu jelas HY lain akhli dina widang biologi, kedokteran atawa anthropologi, manehna sakolana "fine art", lamun teu salah teu tamat. Buku-bukuna, kuring geus maca, leuwih ngaharib-harib buku Ilmiah Populer tinimbang publikasi hasil panalungtikan para akhli. Eusina ukur cutut-cutat tiditu-tidieu, cutatan perdebatan para akhli nu kabeh ge pendukung Teori Darwin. Ku HY padungdengan ieu, ditafsirkeun ku sorangan, teus surak : Teori Darwin Runtag !" Debat para akhli hal nu wajar, siga debat Prof Yacoob Alm, nu akhli Anthropologi UGM jeung akhli ti Australia, perkara "Jelema kate ti Flores". Tapi ku HY debat-debat model kieu, dicutat, terus ditafsirkeun dijieun kacindekan ku manehna sorangan. Padahal manehna acan tanggtu kungsi nalungtik tulang-taleng fosil ....da hese ari lain akhlina ..... Baktos, WALUYA
