Manusa ngaku mangkeluk pang muliana di dunya, malah meureun di universe, da acan kabuktian aya mangkeluk sejen di luar angkasa. Manusa oge embung dianggap sarua jeung monyet, tepi ka kekepehan. Ngan sakapeung manusa teu konsisten jeung sikepna. Waktu maranehna gering, maranehna neangan ubar. Supaya ubar aman didahar ku manusa, dicobaan heula ka monyet.
Naha make dicobaan heula ka monyet? Lain manusa teh teu sarua jeung monyet? Ah nya duka teuing, nu jelas keur para monyet ieu kasangsaraan. Di Indonesia monyet ditewakan, terus dikarantina di pulo kosong deukeut Ujung Kulon. Geus kitu dipilihan nu jagjag waringkas, diasupkeun kana kandang, terus diekspor ka mancanagara keur industri farmasi. Di ditu, eta monyet teh dgeringan disuntik panyakit, terus dibere ubar. Lamnu cageur ...ieu ubar aman keur manusa. Ngan tangtu we keur monyet mah jadi siksaan, sigana lamun jelema mending paeh digebug sakaligus, tinimbang disiksa dibere panyakit. Manusa oge sanajan embung disebut "dulur misan"na Chimpanse, tapi kungsi chimpanse dipaehan diala jantungna, ditranspalasikeun ka jelema. Anehna eta jelema teh hirup sanajan teu lila, ukur sabulan .... Sigana nu paling teu resep kana elmu biologi komo kana teori Evolusi mah, nya para monyet ieu. Maranehna jadi korban ku teori nu nyebutkeun monyet "dulur misan"na manusa! Baktos, WALUYA
