mung nambihan atawa ngalempengkeun sakedik: Kanekes sebutan resmi administratif sadaya kampung Baduy. Kanekes teh ngaran desa, nu ngawengku kampung2 Baduy, boh jero (tilu kampung: cibeo, cikertawana, cikeusik) boh panamping (luar, cenah aya 50an kampung). kepala desana, disebut Jaro, ayeuna dijabat ku jaro Dainah.
Sukma di 4Mata enya, Sukma sigana geus diatur ku produser sangkan 'ngerjain' tukul ku api2 teu bisa basa indonesia. urang baduy biasana memang ngajawab kitu, ku cara basajan. agama Baduy ngarana Sunda Wiwitan nanya agama baduy teu bisa ka satiap urang baduy. sabab kalolobana ngajawab basajan. teu eces. nu lengkep aya dina buku Masyarakat Sunda (Sebuah Tinjaun Sejarah) kenging suwargina Prof. Edi S Ekadjati. atawa sigana aya dina buku Baduy beunang Prof. Yudistira Garna, tina desertasina perkara Baduy di Universitas kebangsaan malaysia. si kuring can boga buku ti desertasi ieu. Pulung atawa bapa narah, basa ditanya ragam hias (seni ukir) dina hulu bedog nu si kuring meuli, naon hartina, dijawab, ah eta mah pamandangan wungkul. pamandangan maksudna hiasan. ku si kuring diilikan, aya tilu buleudan, bisa jadi hartina atawa lambang tilu kampung baduy jero, cibeo, cikertawana, cikeusik, atawa sistem pola tiga, cek antropolog mah, cara baduy ngabagi alam, buana nyungcung, buana pancatengah, jeung buana larang. Pulung jeung Jarip Pulung atawa bapa Narah, nu kungsi diendongan imahna di Ciranji, minggu kamari panggih, di bdg, jeung budakna, umur 13 taun, jarip ngarana. jarip mah make sendal capit. panaseun cenah sukuna nincak aspal. biasa nincak taneuh, can kebal cara bapana. manehna tas di kang Nanang dosen Seni rupa UPI. hayang panggih cenah, nya jangjian we di itb ngarah deukeut, ongkoh keur aya di dinya tas sakola. manehna mawa baju baduy jero (kelir bodas) jeung baju baduy luar, kelir hideung. jualeun. nga sms babaturan saangkatan nu jadi dosen produk. si sobat meuli hiji baju baduy jero. si kuring mah meuli calana hideung jeung madu. ari maduna mah ku pulung nitip ka kang Wahyu, guru SMSR tea. cenah mawa 30 botol, geus rek beak. meuli 3 botol. incu mitoha, anak si kuring, si tizzy jeung si div2, disina ngasaan, tapi teu raresepeun, sigana giung teuing. padahal madu teh ubar pikeun sagala rupa kasakit. pabeubeurang Pulung jeung Jarip terus ka Jatayu. hanjakal imah can anggeus, da ongkoh kurang duit, mun geus jadi mah, sina ngendong, sanajan jauh di cihideung.
