inget baheula, waktu sok dipiwarang ngarencangan ngendong di bumi nini. biasana mah sok diendongan ku leuwih ti limaanana putu nini teh nu sok ngarencangan unggal wengi, ma lum bumi pala putrana teu sirikna ngariung di lembur harita teh. sa tos dipangaoskeun quran atawa wawacan [asana mah wawacan poernama alam, kalandepna teh], sok ditungtungan ku masihan papagahan dina nyanghareupan hirup teh, tapi osok oge diselingan ku dongeng nu lucu. eta bae sok ager-ageran ari ngupingkeun dongeng nini teh. ari keur kuring mah nu harita masih keneh budak pisan, sok milu seuri bae, bari sanajan can ngarti oge - milu seuri nurutan nu gede sareuri.
salah sahiji dongengna teh, mun dipaprah mah kieu geura [ma lum harita mah can ngarti]; kacaritakeun gunem catur ewe salaki nu karek boga budak, dimana pamajikanana teh protes ka salakina saentas ngalahirkeun nu cek inyana mah kacida nyerina. nepi ka menta ka salakina supaya "bobogaan" salakina teh dipotong bae. atuh dina awalna mah salakina nolak, piraku barang hiji-hijina kudu dipotong? tapi pamajikanana keukeuh supaya dipotong, nepi ka ceurik-ceurik. nya tungtungna salakina ngelehan, leos bae indit ka leuit [apal leuit? masih aya teu nya ayeuna leuit?], maksudna rek motong "bobogaanana". geresel bae hulu cucurut [anak beurit] teh dipotong, terus dibawa ka imah ditunjukkeun ka pamajikanana, "tah ieu nyai, huluna ku kang tos dipotong". "cik kuring ningali", tembal pamajikanana. bari ditampanan, terus diilikan. katingal cucurut teh aya panonna leutik, bari pok,"geuning aya panonan kang, paingan atuh awas bae sanajan dinu poek oge". terus karampa kumisna rada panjang, "paingan karasana ku nyai rada getek-getek, da aya kumisan, nya?". "itu deuih, aya huntuan. paingan karasana teh gegerenyeman, da itu huntuna laleutik". tah kacaritakeun saatos opat puluh poe, pamajikanana teh noel ka salakina, maksudna mah "nagih". atuh ari salakina rada-rada "tahan harga", bari ngomong, "pan baheula ge tos dipotong ku akang?". jawab pamajikanana,"atuh sugan aya tunggul-tunggulna mah, kang....." [paingan nya ari istri, majar nyeri ngalahirkeun teh. tapi sok del deui del deui. beda jeung kuring bener disunatan teh nyeri -nepi ka pendarahan- matak embung ngadua kalian]
