Hanjakal dina eta sawala teu aya anu ngadadarkeun perpolitikan ti kalangan akademisi, maksad teh teu aya conto hiji tesis atawa disertasi, hasil panalungtikan perkara politik ieu. Up[ami aya mah,pan tiasa janten hiji dadasar pikeun panaluntikan leuwih jero. Sigana wae, era politik dikaitkeun sareng primodrdialisme kasukuan (dina hartos anu positif), mung sempet dugi ka jaman ayana Paguyuban Pasundan. (punten, pami lepat lereskeun). Aya Urang Sunda kahot sapertos Ir. H. Djuanda, tapi pan heunteu husus bajoang pikeun Sunda sareng Kasundaan. Aya kecenderungan, upama politikus tos aya di tingkat pusat, pola pikir sareng perjuanganana teh tos tara fokus ka kadaerahan/provisinsialisme. Kajabi kasus politikus Hasan Di Tiro kanggo kasus Aceh. Atanapi alternatif sanes, nya politikus Sunda, niron gaya perjuangan siga Hasan Di Tiro. Sok saha nu bade ngaluluguan? baktos, mrachmatrawyani
--- On Sat, 10/18/08, MSasmita <[EMAIL PROTECTED]> wrote: From: MSasmita <[EMAIL PROTECTED]> Subject: [Urang Sunda] Hasil sawala Politik jeung Urang Sunda di PSS To: [email protected] Date: Saturday, October 18, 2008, 5:54 PM Poe Jumaah kamari tanggal 17 Oktober 2008, pasosore PSS (Pusat Studi Sunda) geus lumangsung sawala maneuh bulanan bulan Oktober 2008, Jejerna : Ki Sunda Jeung Politik, tempatna di Jl.Kliningan II No.5 nu jadi panyatur Kang Setia Permana (Ketua KPU Jabar manten) jeung Kang Cecep Burdansyah (Wapemred Tribun Jabar, keur jadi wartawan keneh mah kawentar wartawan galak). Sim kuring jadi panumbu catur. Pamilon kamari mah rada rempeg, aya Kang Ajip Rosidi (budayawan Sunda), Pa E.Saefullah (Rektor Unisba salaku pupuhu PSS), Pa Bana Kartasasmita (kantos janten calon Rektor ITB), Irfan Anshory ( Anggota DPRD Jabar manten, direktur Ganesha Operation bimbingan belajar), Iip D Yahya (pengamat ormas), Hasan Wahyu Atmakusumah ( kasepuhan sastrawan Sunda), Kang Dadang Muhamad (Kusnet) sareng nu sanesna, dietang-etang pamilon teh aya 28 jalmi. Kanggo bubuka sim kuring ngawahan yen urang Sunda teh gaduh watek masarakat huma, ngaharib-harib individualis, apal ukur ka kulawadetna hartina hubungan kulawarga sok dianggap leuwih penting batan hubungan lokalitas, produktif sakaligus konsumtif, hal ieu ditanyakeun ka kang Cecep naha aya pakaitna jeung dunya politik hususna jeung polisi ti urang Sunda. Kang Cecep teu pati togmol ngaenyakeun kitu tapi leuwih ngadadarkeun yen di dunya politik mah nu aya teh kapentingan partey kalan-kalan leuwih nyoko kana kapentingan pribadi, kapentingan lokalitas mah tara digarap. Tangtu we kang Cecep mere argumen nu kuat dumasar kana hasil ngimeutan salila jadi wartawan tur wapemred. Kang Setia leuwih loba mere pencerahan kahareupna. Aya tanggapan ti Kang Ajip ngaenyakeun yen politisi Sunda leuwih individual. Waktu kuring ngajukeun pasoalan yen dunya politik cek awam ngan sakadar lebarna televisi atawa aya henteuna urang Sunda nu jadi menteri, sok loba rumahuh yen urang Sunda mah tara wani debat, buktina nu sok aya dina televisi arang langka urang Sunda nu jadi meteri ge ampir euweuh, nu togmol mere tanggapan teh ti Pa Irfan Anshory yen enya urang Sunda mah teu resep debat, eta teh pangalaman anjeuna waktu jadi anggota DPRD Jabar 1999-2004. Ceuk Kang Setia tipologi politisi aya opat ritualis, tribunalis, inventor jeung broker, saur inyana idealna politisi urang Sunda mah kudu tribunalis. Kacindekanana tina eta sawala 1. kudu aya kader (ngadidik) ti civil soceity Sunda pikeun polisi urang Sunda asupna mah ka partey mana bae supaya boga sikep kosmopolitan (teu poho ka sarakan, baca asal konstituen). 2. Kudu aya kaukus Jabar di DPR-RI pikeun ngawadahan para politisi asal Sunda. Laporan lengkepna mah insya Alloh bakal ditulis dina majalah Cupumanik bulan Nopember 2008. Sanggeus sawala rengse kuring ngaharewos ka Kang Setia Permana nu geus nulis buku Ki Sunda Dan Politik, kuring teu pati panuju kana judul buku utamana kecap Ki sabab eta aya polarisasi gender, kecap ki siga nu husus keur lalaki atawa maskulin, lamun eta kecap Ki teh tina aki-aki atuh meureun ompong peot tawehwoh jeung pikun, lamun tina lalaki atuh puguh eta mah maskulin bisi ngambek para feminim. Lamun di ayak deui boa eta teh tina kecap kiayi nu sok disingget jadi Ki siga Ki Nartosabdo, atawa Kiayi Langgeng, Kiayi Sangkelat (keris) lamun kitu atuh eta mah ti Mataram, padahal budaya Mataram dina buku Kang Setia eta rada digitik. Kang Setia harita ukur ngawaler oh kitu..? MSasmita __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com
