Geus Tidituna Adam Jeung Hawa Teu Sarua
Awewe
jeung lalaki istuning beda,
kajeun ditempo
timamana tetep beda,
ulah ngalawan
kodrat hayang sarua,
geus tidituna
Adam jeung Hawa teu sarua.
Ulah
ngababanding aturan Qur’an ku rarasaan manusa,
geus tangtu kahayang
setan mamanas hate manusa,
kajeun geus
puguh eta aturan Nu Kawasa,
angger dicawad
alatan ku ukuran akal jeung nafsu manusa.
Nu percaya
Qur’an boga cecepengan,
nu teu percaya
oge boga cecepengan,
hartina cekel ku
anjeun boga cecepengan,
keun kuring nyepeng
Qur’an nu jadi cepengan.
Lobana awewe
jeung lalaki di dunya teu sarua,
eta tanda lain
kajadian nu teu dihaja,
awewe di dunya
estu nyata leuwih loba,
batan lalaki nu
sarua hirup di alam dunya.
Lamun keukeuh
hiji kudu jeung hiji jodona,
rek dikamanakeun
sesana,
tanda nyata nu
katempo mata kabehna,
teu kudu
dipungkir da geus kitu kanyataanana.
