Moal Diwilah-wilah Moal Dibeda-beda
Ka
sakur nu mawa tanda,
geura rampa
geura mere tanda,
sabab titis
tulis geus aya,
saacan aranjeun
gubrag ka dunya.
Moal
diwilah-wilah moal dibeda-beda,
aranjeun sarua
nu rek ngabela Tatar Sunda,
moal ditempo
anjeun boga harta banda sakumaha,
moal diukur ku
dedegan anjeun boga raga,
anjeun sarua
maung ti Tatar Sunda.
Geus aya
sababaraha nu mere tanda sadia,
ngabela
kadigdayaan urang sunda,
kajeun kerep
dianggap teu sapira,
istuning
maranehna tetep nungguan satia.
Teu ngan ukur
hahaok,
teu ngan ukur
hayang batur olohok,
teu ngan ukur
abrug-abrugan jiga nu mabok,
istuning wani
ngarempag heurasna tembok.
