Naon Jang Ndud, kucap-kiceup kitu? Turungisen nya? Hihiw* Ceuceu ge teu bisa ngaleuleungit nu ngaran Wado, da digubragkeun ka alam dunya ge di Wado (untung teu pejet ge*heheh). Kungsi "ngasaan" diuk salila 3 taun di bangku SMPN Wado. Pajaratan nu jadi Bapa, nini, aki katut kulawarga lianna jeung nu masih jarumeneng keneh ge lolobana mah di Wado.
Sakapeung mah mun keur ngawangkong jeung indung uing, ngadongengkeun kahirupan jaman baheula, sok waas hayang balik deui ka Wado. Tiis ceuli, herang mata. Hayang sampeu, hui, dangdaunan kari ngala. Ari kabeneran euweuh, kari menta. Tapi kumaha deui? Uing kudu nyiar kipayah neangan sahuap sakopeun buburuh di Cina-Bandung, da di Wado mah teu bisa* ma enya ari kudu ngojeg mah? Heuheu* Basa lebaran kamari, uing & kulawarga mudik, nyekar sakalian silaturahmi ka kulawarga nu aya di Wado. Ti palebah astana Cialang-alang atra pisan Gunung Cikadu nu geus ditanceban munara Telkomsel. Sawah guludug ngoletrak, nungguan dicaian ku hujan. Breh ka lebah kaler katingali ti kajauhan wewengkon nu bakal kaeleb ku Waduk Jatigede (gbr aya na file nangkod, iseng motoan make hp). Sakumaha nu didongengkeun ku Jang Ndud, kaayaan Wado geus beda pisan. Loba imah anyar, gedong sigrong clu cle dinu tadina sawah hejo ngemplo, malah mah aya pom bensin sagala. Loba motor tinggeleyer, boh nu pribadi boh tukang ngojeg. Loba jelema nu ngayakinkeun yen Wado bakal jadi kota. Salian eta, uing yakin pasti aya oge nu katalangsara, nu kabeneran teu katingali ku panon uing, da maklum nganjangna ngan sajorelat. Uing mah ngan bisa ngadu'a, mugia rencana pamerentah ku ayana Waduk Jatigede (ceunah mah geus ti taun 60an keneh), masing aya pleus jeung minusna ge tapi tujuan mah ngan hiji nyaeta mawa kamaslahatan keur sararea. Amin. ro2 AsWad nb : bilih bade ningalian kaayaan Wado taun 80an tiasa ditingali di http://rosmailyas.multiply.com. >>> [email protected] 03/24/09 07:29AM >>> dit, nuhun ah, aya deui reperensi ngeunaan wado. kabeneran eta ngaran deukeut pisan jeung hirup kuring mangsa abg. wado teh ngaran kacamatan kuring nepi ka sma :))). salian kuring nu kungsi jadi urang dinya teh nya: ceu roro. nya ceu? (bari ngiceupan! heuheu)
