Ieu pangalaman abdi Leres kang, di poltabes bandung mah sae pisan palayananna.Abdi kantos ical dompet di cicadas, eusina ktp,sim a&c,kartu kredit&debit,ari artosna relatip teu ayaan. Abdi lapor ka polisi, ditampina ramah pisan,ditaros aya kaperyogian naon,saentosna diwartoskeun yen abdi kaicalan dompet,dipiwarang ngantos heula ngantosan rengse anu sumping tipayun.Rengse dipangdamelkeun serat katerangan,pa pulisi henteu nyuhunkeun biayana,nya abdi masihan saridona,hawatos ngetikna oge masih nganggo mesin tik jadul. Kumargi teu acan aya biaya kanggo ngadamel sim (disangki ageung biayana),bilih ditilang,abdi sumping deui nyuhunkeun serat katerangan perpanjangan kaicalan,teu sesah dipangdamelkeun serat kaicalan nu teu acan rengse,nyaeta kaicalan sim a&c,teu seueur patarosan,dipangdamelkeun deui serat kaicalan sapertos sateuacanna.. Ka kantor polisi jl.jawa, bade ngadamel sim a&c, rada degdegan, kumargi teu gaduh foto copy sim a&c anu ical,sieun dipiwarang ngadamel sim baru, ari geus kolot sieun teu lulus ari kudu di tes deui mah. Abdi nepangan ka bagian penerangan, ngajelaskeun maksadna yen sim abdi ical, polisi mung naroskeun serat katerangan ical ti pulisi satempat,saentosna dipasihkeun serat katerangan kaicalan,anjeunna ningal dina komputer, teras masihan data print2an sim a&c abdi nu ical, saurna kedah heula dilegalisir ka bagian dokumentasi,di bag dokumentasi oge lancar2 bae teu aya patarosan nanaon. Saterasna abdi ngiring prosedur biasa,kirang langkung sajam,sim a&c abdi janten,heunteu ditest deui,disamikeun sareng prosedur perpanjangan,biyana sim a&c kirang ti 200 ribuan,tos kalebet asuransi,biaya langkung mirah upami ngadamel dua sim sakaligus kumargi biaya test kasehatan cekap sakali wae.Hatur nuhun pa pulisi.
--- On Mon, 6/29/09, lamsijan_ibrahimovic <[email protected]> wrote: From: lamsijan_ibrahimovic <[email protected]> Subject: [Urang Sunda] hoyong naros ka pa pulisi... To: [email protected] Date: Monday, June 29, 2009, 6:12 AM Sampurasun.. . Sawatara waktu ka tukang,babaturan kuring leungit dompet jeung eusina di daerah padalarang,kaleresa n babaturan kuring teh urang padalarang. Sadar dompetna leungit,tuluy we lapor ka polsek padalarang ngeunaan kaleungitan tea. Sanggeus nyieun laporan,tuluy si oknum teh menta duit 20 rebu rupia cenah keur biaya administrasi. Nu jadi patarosan kuring,NAHA ENYA MUN NYIEUN LAPORAN KALEUNGITAN ATAWA NAON BAE AYA BIAYANA? Mun enya siga kitu,katurug katutuh atuh babaturan kuring teh,geus mah dompet jeung eusina leungit ditambah kudu mayar pas nyieun laporan di kantor pulisi.Karunya. .. Kajadian nu kadua dialaman ku kuring sorangan.Kajadianna di polres cimahi.Harita kuring rek "perpanjangan" sim.Kuring ngurus sagalana ku sorangan sanajan aya tawaran "bantosan" ti oknum nu tangtuna teu gratis.Sanggeus beres cek sidik jari jeung cek kasehatan,kuring langsung ka loket pendaptaran, didinya kuring ditawaran "bantosan" ku salahsaurang oknum nu aya didinya.Kuring nolak,tuluy si oknum ngomong kieu,"tunggu dipanggil jam 10..."(teu ari bari peupeuleukeuk nyaritana mah).Kuring nunggu we di bangku.Sajeroning nungguan eta kuring ngarasa heran,naha ari nu sejen nu datangna leuwih paneuri batan kuring geus meunang sim deui?Jam 10.30an kuring dipanggil eta ge ngan ukur dititah ngeusi pormulir geus kitu...nunggu deui di bangku.Lar deui liwat jalma-jalma nu kakara datang nyokot sim nu geus jadi. Kuring jadi mikir,tetela praktek percaloan teh aya keneh,ti mimiti calo sipil tepi ka oknum pahibut jaradi calo.Kumaha pa kapolres?Didinya aya provost ge teu ngaruh,da baturna keneh(maenya aya babaturan rek ngabejakeun babaturan?). Antugna ti jam 8 (ti mimiti buka loket,kuring meunang sim jam 11.30an.Beda jeung pelayanan sim poltabes bandung nu teu sajam-jam acan(konter sim di mol-mol. Patarosan kuring: 1.Naha masarakat nu ngurus kaperluanna ku sorangan teu diprioritaskeun/ diutamakeun? Hawatos pa,berkasna katumpuk-tumpuk wae ku nu oknum calo. 2.Iraha polres cimahi tiasa bebas calo?Cenah pulisi keur ngajalankeun program QUICK WIN. Sakitu nu kapihatur ti kuring,hampura mun basa sunda kuring teu merenah,da kuring mah kurang nyakola. Wassalam
