Si Inem, budak rumaja geulis di kampung, ngadadak beuteungna mendeyang. Atuh di lembur teh jadi gujrud, saha eta teh nu boga dosa. Nu nyurigakeun warga, ti saprakna mendeyang, Si Inem sering bulak-balik ka imah Ustad. Bakating ku curiga, warga nitah si Lamsijan ngintip dina tangkal buah nu ngaroyom ka imah Pa Ustad.
Terekel si Lamsijan teh naek kana tangkal buah, teu jauh diluhureun ruang tamu imah Pa Ustad. Bener we teu kungsi lila Si Inem datang ka Imah Pa Ustad, si Lamsijan meber-meber ceulina, supaya ngareungeu gunem catur si Inem jeung Pa Ustad. "Teu bisa Inem, teu meunang digugurkeun, eta DOSA GEDE. Tarima we eta geus nasib, PASRAHKEUN kumaha CEUK NU DILUHUR!", ceuk pa Ustad bari tutunjuk ka luhur. Gebut, si Lamsijan muragkeun maneh tina tangkal buah, bari terus acong-acongan ka Pa Ustad: "Sumpah, Pa Ustad, abdi teu ngiringan, sanes abdi nu ngadamel dosa. Abdi mah ngan diburuhan 5000 perak dititah naek kana tangkal buah!" Baktos, WALUYA
