Sarombongan bapa-bapa jeung ibu-ibu ti kota piknik ka tempat agrowisata, kahiji peternakan kuda di tutugan hiji gunung. Maranehna dipandu kunu bogana peternakan, nu agul pisan kana kuda-kudana.
"Bapa-bapa miwah ibu-ibu, tingali kuda nu hideung meles itu, eta kuda jalu nu mampu ngalayanan bikang tepika lima kali sadinten!", Ceuk nu boga peternakan teh reueus. Para ibu sing tingkecewis, bari terus ngaromong ka salakina:" Tuh Pa, lima kali sapoe!" Bapa-bapana ukur ngahuleng, sadar kana sagala kakuranganana. "Tah upami kuda nu bodas ieu mah, langkung luar biasa, sanggup ngalayanan bikang tepika sapuluh kali sadinten!", Nu boga peternakan nerangkeun, beuki tambah reueus. Ibu-ibu beuki tambah ribut tingkecewis, nyararita ka salakina: "Tah Pa, sapuluh kali sapoe" Kolompok bapa-bapa beuki asa kapeupeuh, ngan aya saurang nu ngagorowok: "Kang, kang, dupi eta sapuluh kali teh jeung bikang nu sami atawa benten-benten?" "Nya sareng sapuluh bikang atuh!" "Tuh Mah, jeung sapuluh bikang!", ceuk bapa-bapa teh ampir bareng. Ibu-ibu: "??????" Baktos, WALUYA
