Ari si kuring, nya kitu deui bae, kirang sapagojod, eh sapagodos pama misah misahkeun kahirupan logis kadunyaan jeung akheratna, enya eta tos sakuduna ari ngaran ikhtiyar (usaha) mah lain wungkul dianjurkeun tapi kaasup diwajibkeun, ngan mun kekeuh petekeuh yen etateh LAIN bebendon, atawa cocobi, atawa nu leuwih parahna "nyiksa" nu dongkapna ti nu Maha Kawasa, asa ku harianeun ceuk si kuring, beu ambuing paralun teuing mun tea mah ayeuna kajadian niwaskeun ratusan jeung rebuan dulur, terus kahareupna ngan ukur 'konsen' kumaha carana supaya kajadian sarupa teu kaalaman bari jeung lat weh poho kana sajarah kumaha proses "maraot" ki dulur nu matak kukurayeun, naha saha atuh nu mateni maranehna teh? Enya ku sareatnamah kaurugan wangunan jeung watu taneuh, tapi mun kapopohokeun pedah "aing" tos bisa ngungkulan mangrupa bencana kahareupna lain hartina urang kudu ngabarakatak nyengseurikeun sajarah.
Upama ngadumaniskeun antara kadunyaan jeung kaakhreatan, deuh matak uruy kacida, di dunya (keur kadunyaanana) urang usaha satekahpolah enggoning nyanghareupan perkara sarupa sangkan bisa "salamet", keur akheratna nya kitu deui urang nafakuran kumaha nyeri peurihna para korban nu kasilih menit jeung detik aduregeng nyawa, kumaha mun eta kajadian karandapan ku urang-urang, bujeng ning nu ngarandapanana, dalah tatangga jeung dulur nu kaitung salamet sakitu stress jeung trauma na, palebah dieu deuk ka saha nya menta pamuntangan? Jadi, catur bukur ngeunaan musibah teu leupas tina dua sumber nu teu bisa dipisahkeun, dunya katut akheratna, urang teu bisa ciciduh ka jelema nu cilaka tina motor lantaran manehna teu make helm, salian ti pepeling keur urang sangkan make helm oge pepeling yen urang kudu sadar kana mangrupa musibah. Jadi emut Umar Al Farouq, harita keur mahabu panyakit di wewengkon eta, Umar radiyallahu 'anhu niat deuk hijrah ka wewengkon sejenna nyaeta maksudna mah deuk nyalametkeun diri jeung rahayat tina tatalepa panyakit, anjeuna waktu ditanya ku salah saurang baturna, ceunah, naha bet indit ka tempat nu lian, lain ieu panyakit teh geus takdir? Jawab Umar, enya kuring deuk pindah tina ieu takdir kana takdir nu lianna... lenyepaneun, dina hiji wangkongan nyebutkeun pindah tina takdir, hartina aya usaha deuk ngome diri, dina wangkongan lian nyebutkeun pindah kana takdir sejen, hartina sing saha bae dikukuntit ku takdir nu tos dicatet nu mangrupa rusiah Gusti. Punten ah, From: [email protected] [mailto:[email protected]] On Behalf Of Waluya Sent: 07 Oktober 2009 17:34 To: [email protected] Subject: [Urang Sunda] Lini Bebendon?-->Re: Fw: pusat peradaban Islam? > MRachmat Rawyani <mrachmatrawy...@...> wrote: > Jadi tong heran, upama engke masih aya keneh lini jeung bencana > sejenna tumiba ka nagri Indonesia, bebendon ti Mantenna, salila > kalakuan urang Islam masih misahkeun kahirupan duniawi jeung > akherat. Punten pisan, kuring mah kirang sapagodos lamun lini disababkeun BEBENDON ti Gusti Nu Maha Kawasa. Lini sabenerna kajadian alam nu teu beda jeung datangna beurang jeung peuting, teu beda jeung gerna hujan, teu beda jeung garingna halodo jeung rea-rea deui nu bisa karasa jeung katempo ku urang. Gusti Nu Maha Kawasa nyiptakeun sagala kajadian alam ieu, tapi sanes keur BEBENDON ka manusa. Manusa dina nyanghareupan gejala alam kudu siap, jeung make akalna, supaya gejala alam teu ngabahayakeun kahirupan manusa jeung lamun bisa malah bisa digunakeun keur kahirupan manusa. Waktu pas hujan, sieun baseuh jeung katirisan jelema make payung, Sieun kapoe manusa make dudukuy, atuh pas datangna peuting jelema make lampu. Teu aya saurang manusa oge nu nyebutkeun hujan, panas jeung peuting BEBENDON ti nu Maha Kawasa, padahal hujan, panas jeung poek bisa mawa mamala ka manusa. LINI OGE SAKUDUNA DIANGGAP SIGA KITU, SANES DIANGGAP BEBENDON. Naon margina? Lini tetep bakal aya, manusa teu kudu ngarep-ngarep Gusti Nu Maha Kawasa bakal ngaleungitkeun gejala alam ieu, sabab sami we jeung ngarep-ngarep ulah aya peuting (poek). Tapi nu kudu dilakukeun ku manusa mah, kumaha carana lini teu pati ngabahayakeun kahirupan manusa, siga manusa ngakalan peuting (poek) ku nyiptakeun lampu! Kanggo lenyepaneun, nyanggakeun potongan sajak Sir Mohammad Iqbal, pamikir Islam kasohor di Abad ka 20 asal Pakistan, meunang nyutat tina catatan Pinggirna Gunawan Muhammad: "Kau ciptakan malam, tapi kubuat lampu, Kau ciptakan lempung,tapi kubentuk cupu, Kau ciptakan gurun, hutan dan gunung, kuhasilkan taman, sawah dan kebun" Baktos, WALUYA __________ Information from ESET Smart Security, version of virus signature database 4462 (20090927) __________ The message was checked by ESET Smart Security. http://www.eset.com
