rupina sae tah kanggo bahan novel mang...:D
________________________________ From: mj <[email protected]> To: kusnet <[email protected]> Sent: Sat, December 5, 2009 7:08:47 AM Subject: [Urang Sunda] nganjang ka eksil kamari ngulampreng kautrecht, milu kang wahid, dosen sajarah ugm, urang kuningan tea nu s3 sejarah di universitas utrecht. calon disertasina ngeunaan pajeg jaman kolonial di daerah semarang. tujuan utama mah hayang nempo imah nu munggaran make gaya De Stijl, gaya desain nu lahir di Walanda. kapanggih teh imah leutik (dua lantey) camperenik teh, di prins hendriklaan, utrech wetan-ngidul saeutik. ngan teu asup da kudu nunggu jam 2 bareng jeung nu sejen. jaba kudu mayar 16 euro. asa mahal, da museum sejen ngan 7,5 euro kang wahid geus jangji jeung pa kuslan budiman (umurna 75 tapi masih jagjag.bari hirup sorangan) di woerden, hiji kotapraja/gementee antara utrecht-leiden. manehna urang trenggalek, alumni Asri yogya. taun 62-63 neruskeun sakola ka cina widang dekorasi panggung. memeh ka cina, manehna anggota lekra, gawena nya tukang ngahias panggung mun grup kasenian lekra nyieun acara. nya pegat carita jadi WNI taun 1965 da ku rejim anyar dianggap pro komunis tea, basa aya kudeta G 30 S tea.manehna stateless-teu boga kawarganegaraan, di cina ngan lima taun, terus pindah ka moskow.di moskow 20taun pentingna keur sakuringeun peran pa kuslan nyaeta, manehna nu ngurus itu ieu layon Utuy Tatang Sontani, pangarang sunda urang cianjur nu oge nasibna kitu, dipecat jadi WNI alatan pas kajadian G 30 S manehna keur di moskow. asana dina buku kang Ajip dicaritakeun yen harita Utuy ditunjuk tonggong kudu milu ka moskow pikeun hiji kagiatan kasenian. pak Kuslan oge ngontak kang Ajip Rosidi cenah di Jakarta. utamana ngeunaan naskah beunang Utuy nu numpuk di moskow. cenah salila di moskow, Utuy jadi dosen bahasa Indonesia, nu sanggeus pangsiun diganti ku manehna. pa Kuslan terus pindah ka walanda taun 1990. naha pindah, sabab cek manehna, walanda loba pakaitna jeung indonesia. jeung loba eksil di walanda. jadi loba batur. sabab sobatna di moskow, utuy tatang sontani urang cianjur, geus maot. pindah ka walanda dbantuan cenah ku wartawan walanda nu jaman KMB pro sukarno, lain pro walanda. si wartawan walanda eta kungdi dines di amrik, jadi nyaho cenah amrik harita pro indonesia. pindah ka walanda mangge proses asylum (menta perlindungan politik) alatan manehna mah boga masalah politis jeung nagarana indonesia. basa datang ka walanda, manehna ditempatkeun di samacam asrama husus nu menta asylum eta. lilana sataun. sanggeus bisa jadi wnw, kungsi cenah ngalongok sarakan jaman gus dur, make paspor walanda. hirupna ayeuna ku santunan ti pamarentah walanda, gedena standar minimal tunjangan pikeun nu nganggur (gedena sarua jeung jumlah beasiswa, sekitar 1000 euro sabulan). kamari di imahna di rembrandtlaan Worden, nempo aya draft terjemahan puisi cina klasik hasil terjemahan manehna. cicing di imah nu pikeun soranganeun. kamar sare ngan hiji. buku we nu pinuh, maturan manehna. dinner di imahna da pa kuslan maksa kudu dahar di imahna. tapi kasepian mah henteu cenah. sabab aya urang indonesia, istri nu nikah ka bule, nganggap bapa ka manehna. jadi boga anak jeung incu angkat. teu kasepian teuing. oge boga babaturan papada eksil nu kungsi boga kagitan dicukur keliling. saling nyukur da ka tukang cukur mahal cenah. hehe jam 8an peuting tiluan balik ka leiden. sirah pinuh ku pikiran soal pa ruslan. Lebih Bersih, Lebih Baik, Lebih Cepat - Rasakan Yahoo! Mail baru yang Lebih Cepat hari ini! http://id.mail. yahoo.com
