ass wrwb, kang waluya damang....? nu ieu mah hasil karya kang SR nu ayeuna nuju icalan bajigur di alun alun Guang Zhou RRC.. nyanggakeun....
wass, abah to2 reungit mun sia teu deleka ka aing aing ge moal deleka ka sia aing ge moal nepak sia nepika pejet aing ge moal nyetrum sia nepika merepet hangit aing ge moal nyemprot sia nepika burial buncelik ieu mah aing keur ngeunah ngeunah sare der hiber luhureun ceuli bari ngaheong lir sora hatong teup eunteup kana pipi jeletot nyoco bongan sorangan sok usil kabatur meureun hayang ngajajal dampal leungeun aing ngawewejet awak sia ngan teu nyangka geuning sia teh ayeuna mah lihey samemeh dampal leungeun aing nepi sia rikat nyingcet ngagiwarkeun maneh atuh jelebet dampal leungeun nyayang na pipi satakerna senjata makan tuan! biwir ge nyengir keneh nahan kanyeri geus heong deui na ceuli, sorana lir bajay na tanjakan sikasebalan teh bet teu kira kira pisan jangji jle wae, bet eunteup dina cukang irung aing dampal leungeun geus meber nek dihembatkeun ngan teu kebat sieun sia ngagiwar deui meureun cukang irung aing jadi korban keur mah mancung kajero meureun beuki ngalelep bae ahirna najan hate mentegeg kapaksa diantep ngantep sia nyedot getih aing ku nurustunjung make nepi kanonggeng sagala aya satengah leter getih aing pindah ka beuteung sia anenoy teu walakaya dampal leungeun geus geregeteun hayang dikeplakeun piraku bisa ngagiwar sakitu geus anenoyna teu antapwarah jelebet dihembatkeun satakerna meureudeuy pisan, enyaan cukang irung jadi ngelelep kajero ari sia kamana? sakitu anenoyna bet bisa ngagiwar awas siah mun kadieu deui diguyur baygon sadreum tunduh ngelehkeun sagalana ngaguher nuluykeun hanca dasar bagja bet ngimpi jeung manohara nyiwitan bari mamaksa ngagerejeg ngajak kabale nyuncung hehehehehe..... ________________________________ From: Waluya <[email protected]> To: [email protected] Sent: Tue, February 9, 2010 11:08:01 AM Subject: [Urang Sunda] [4S] Reungit Tuan Lamsijan jeung bojona dina malem Taun Baru, ngahaja nginep di Hotel Bintang Lima, maksudna rek ngarayakeun taun baru di hotel. Ngan hanjakal barang asup ka kamar, kamar teh loba reungit. Kacida ambekna Tuan Lamsijan, manehna ngangluh bari satengah nyereng ka pelayan nu nganteurkeun koperna: "Cenah hotel bintang lima, kumaha ieu teh bet loba reungit kieu?" "Sumuhun Tuan, upami abdi mah terang ieu hotel teh hotel bintang lima, ngan reungit mah sigana teu terangeun!", ceuk si pelayan teh, kalem. =waluya=
