Tos janten hutang pih, diantos naur terasanana. Baktos, JP Powered by Telkomsel BlackBerry®
-----Original Message----- From: Siddik Wiradireja <[email protected]> Sender: [email protected] Date: Sat, 12 Jun 2010 09:43:35 To: <[email protected]> Reply-To: [email protected] Subject: [Urang Sunda] Pangeran Kornel >>> Terasanana Urang teraskeun, meungpeung nuju rada rineh, bilih janten hutang.... Aya anu kalangkung dina pedaran anu tipayun, isteri Raden Suranagara nyaeta Nyi Rd. Lenggang Kusumah teh putra kawalon Raden Rangga Gede, wadana Cikalong. Sabaraha taun ti harita Raden Rangga Gede/wadana Cikalong dibenum janten Bupati Buitenzorg (Bogor). Raden Suranagara ngagentos kalungguhan mertua janten wadana Cikalong, ti Nyi Rd. Lenggang Kusumah, Raden Suranagara kagungan putra 3 ; 1. Raden Abdul, anu engkena janten bupati Limbangan, nganggo gelar Adipati Adiwijaya. 2. Raden Ewok, anu engkena janten Bupati Sumedang, nganggo gelar Adipati Kusumah Yuda, ngagentos Pangeran Kornel (Raden Suranagara). 3. Nyi Raden Ajeng, nikah ka Adipati Wira Dadaha, bupati Sukapura. Wangsul deui ka Sumedang, Adipati Wira Tanu Baya henteu lami janten bupati Sumendangna, pupus taun 1775, salajengna kalungguhan bupati Sumedang diteraskeun ku Adipati Patrakusumah (1775~1791), saparantos Adipati Patra Kusumah pupus, nu janten wakil bupati nya eta Aria Sacapati (Patih Sumedang), nyeratan ka Aria Wira Tanu Datar VI, mundut supados Raden Suranagara (harita Wadana Cikalong) diusulkeun ku Aria Wira Tanu Datar VI ka pamarentah Walanda supados diangkat janten Bupati Sumedang. Ieu usulan Aria Wira Tanu Datar disaluyuan ku pamarentah Walanda, salajengna Raden Suranagara dibenum janten Bupati Sumedang, nganggo gelar Pangeran Kusumah Dinata, katelahna Pangeran Kornel (1791 ~ 1828). Raden Abas putra Wira Tanu Datar VI, waktos Wira Tanu Datar VI pupus, Raden Abas masih burey, yuswana kirang langkung 4 taunan. Pangeran Kusumah Dinata/Pangeran Kornel, saparantos nguping Aria Wira Tanu Datar VI pupus, lajeng Pangeran Kornel mundut ka Adipati Prawiradireja I/bupati Cianjur harita, supados ngawidian Raden Abas linggih di Sumedang, dina taun 1820 Raden Abas miang ka Sumedang, teras dirorok dugika dewasana. Hal ieu, taya sanes bakat ngaraos nganuhunkeun ku kukasaean Adipati Wira Tanu Datar VI ka Raden Suranagara/Pangeran Kornel waktos ditundung ti tatar Sumedang dugika dibenumna janten Bupati Sumedang, nyasatna ku kasaean Aria Wira Tanu Datar VI. Saparantos Raden Abas sawawa lajeng nikah ka wargi Pangeran Kornel jenengan Nyi. Raden Purnama, putra Aria Jayanagara, putu Adipati Adiwijaya/bupati Limbangan. Cag sakitu heula bilih panjang teuing. Pihatur, ssw Tong nyaliksik naon nu bisa dicokot ti kiSunda Tapi talungtik naon nu bisa dibikeun ka kiSunda
