Saleresna kecap "wawayagon" sanes kecap enggal, tos tijaman sim abdi budak pun aki sok nganggo eta kecap, contona : "kade ulah wawayagon" anu hartosna : kade ulah sagawayah, kade ulah nganggap enteng, kade ulah sambarangan. Numutkeun kamus yasana R. A. Danadibrata, kecap wawayagon mangrupi kecap asal anu hartosna : dangdanan saheulaanan, sok dianggo oge kana adegan/wangunan anu saheulaanan, tangtos kirang weweg. Wawayagon sabalikna weweg.
ssw Tong nyaliksik naon nu bisa dicokot ti kiSunda Tapi talungtik naon nu bisa dibikeun ka kiSunda oman abdurahman <[email protected]> Lian ti eta, seratan bah Usep anu didugikeun ku kang Maman, abong sastrawan, karasa pisan tos maparin conto kumaha nyerat nu sae dina basa Sunda. Tina eta seratan anjeunna anu kaasup kritik kana sastra Sunda, aya hiji - dua kecap anu karasa anyar wanoh pikeun si kuring. Salah sahijina nyaeta kecap "wawayagon". Sanggeus maca salengkepna padalisan anu ngamuat eta kecap, karek kaharti naon maksus satemenna ieu kecap "wawayagon" Salengkepna seratan bah Usep anu ngandung kecap "wawaygon" teh ieu: "...Pelu disebut pangarang Ena Rs. Kawilang produktip pisan nulis carpon, artikel, jsb.nu dimuat dina “Mangle” atawa “Sunda Midang Tapi henteu dibarung ku usaha kreatif pikeun ningkatkeun ajen karya. Sabada carponna nu alus “Telembuk” (Mangle 2110, dimuat deui dina “Kanagan 2”, carpon-carpin Ena Rs kadieunakeun wawayagon pisan.Ukur semet “carita biasa” nu mangrupa “laporan” atawa “beja” dina wangun carpon (fiksi). Sababaraha carponna dina “Mangle” taun ieu, tacan nembongkeun hasil gawe nu enya-enya...". Timana asal kecap "wawayagon" teh? Upama nuturkeun ugeran kecap-kecap model "paguron", "pabukon", "papagon", jsb anu masing-masing asalna tina kecap "paguruan", "pabukuan", "papaguan", jst, tangtu eta kecap "wawayagon" teh asalna tina kecap "wawayaguan". Paguruan asal kecapna tina kecap "guru", jadi, "wawayaguan" asal kecapna tina "wayagu" (suku kecap diulang 2x nuduhkeun loba atawa mindeng?). Naon ari harti asal tina kecap "wayagu"? aya anu tiasa maparin "pencerahan"? diantos. manar
