Poe Minggu kamari kuring nganteur pamajikan jeung barudak ka Sumedang panggih jeung Aki Nini-na di Darmaraja, kebeneran ceunah hayang munggahan di lembur pas kabeneran barudak oge libur sakola. Senen sanggeus subuh kuring indit ka Kuningan ngaliwat Wado, Pawenang, Jatinunggal (lembur Kang Dudi), Lemah Sugih, Bantar Ujeg, Talaga, Cikijing, Darma, Kuningan.... edun euy ternyata jalana lumayan alus geuning jeung cukup rame oge subuh-2, walopun aya sababaraha logak tapi katinggalina aya setum keur diberesan meureun, keur jalan alternatif anu marudik ka Jateng. Ti Darmaraja ka Kuningan sakitar 75 km (ngahaja speedometer-na di 0 keun samameh indit) butuh waktu kurang leuwih 1,5 jam-an (jalan salse).
Nu edun pamandangan nana jeung luak leokna ngaliwatan toangan sawah-2 euy... walopun rada poek keneh tapi katinggalina endah lamun tibeurang. Katinggalina di sajajalan eta isuk-2 jalma ngeus maranggul pacul jeung boboko... sigana rek kasawah. Aya oge awewe nu mawa anduk jeung ember leutik aaah siigana rek ka pamandian... ngan diteangan disajajalan teh euweuh nu pinggir jalan euy pamandian nana hehehe. Padahal mun aya pan lumayan aya penampakan meureun hehehe. Memang euy Jawa Barat alias Tatar Sunda teh alamna endah pisan... ngan infrastrukturna tarutama jalana jeung fasilitas-2 wisatana kurang ditata supaya alus jeung pinunjul. Siga basa di situ Gunung oge edun pisan pamandangan nana ngan nyakitu minim fasilitas infrastruktur jalana oge pakusut. Sugan ke mun balik ti Kuningan ngaliwat dinya deui, sugan manggih pamandian hehehe. Pan ceunah pandangan pertama mah teu dosa. Ciiik Baraya Sunda Urang Sumedang didieu aya saha wae?