nya urang dangoan heula sugan we aya deui pamendak nu langkung mencrang :)
Eta kuring maca novel Prabu Siliwangi (dua jilid) karya E Rokajat Asura, PS teh
diudag-udag ku putra jeung incuna: Cakrabuana jeung Sunan Gunung Djati sangkan
asup Islam. Tapi PS alimeun, ngan teu ngalarang anak incuna nyebarkan di Tatar
Sunda sareng mere kabebasan ka rahayat sareng pengikutnya2.
Teras mun maca novel kenging Saini KM "Seri Kesatria Hutan Larangan" (tilu
jilid) meuni katinggal aman tentrem karajaan nu dipimpin PS teh. Bahkan, aya
pasukan khusus sagala nu ngarana Puragabaya; satengah pandita satengah jawara.
www.ahmadsahidin.wordpress.com
--- Pada Ming, 29/8/10, oman abdurahman <omana...@gmail.com> menulis:
Dari: oman abdurahman <omana...@gmail.com>
Judul: Re: [kisunda] Prabu siliwangi jeung Islam
Kepada: kisunda@yahoogroups.com
Tanggal: Minggu, 29 Agustus, 2010, 2:48 PM
Ngeunaan agama Prabu Siliwangi (PS) memang matak pogot ngadiskusikeunana.
Anu jelas, soal agama anu diagem di Sunda harita monotheisme eta tos jadi
kacindekan sababara panalungtik. Parios, upamana wae, seratan p Saleh
Danasasmita alm. Tah, naha monotheisme eta aya dina pigura Islam atawa henteu,
eta pasoalan sejen. Ngeunaan Islamna anu mana - naha, upamana, Sunni NU, Sunni
Wahabi atawa Syi'i jst - eta oge pasoalan saterusna.
Kuring boga hipotesa sawatara ieu, yen dina enyana PS asup Islam, tapi Islam
anu dianutna teh lain Islam anu mentingkeun dimensi ritual, tapi leuwih kana
Islam anu esensina wae atawa dina sawangan dimensi mah Islam dimensi mistikal
jeung sosialna wae. Urang teruskeun ieu hipotesa: alasan tindakan PS harita
nyokot jalan anu eta taya lian kaayan masyarakat anu sakitu pluralna dina
nganut agama. Di Sunda harita geus aya Hindu jeung Sunda wiwitan anu geus ti
heula, Budha oge (Talaga), Kristen geus asup, oge Islam. PS kudu merhatikeun
kaayan anu plural ieu di jero masyarakatna. PS kudu ngajaga karukunan
masyarakatna kaasup karukunan dina widang kahirupan agama.
Sawatara ti eta, anu kapendak ku PS Islam dina main stream teh nyaeta Islam anu
dijadikeun alat pikeun ngalegaan kakawasaan. Kaayan harita lebah dieu tiasa
dipaluruh dina buku sajarah, kumaha kaayaan jeung kamekaran karajaan anu
basisna Islam (Banten, Demak, Cirebon, jst) anu henteu luput tina rebutan
kakawasaan. Munasabah upama karajaan Sunda harita anu kakepung - kungsi
kabelejog - menta bantuan atawa nyieun fakta kerjasama pertahanan jeung
Portugis anu geus mangkal di Malaka (padahal kabuktian, Portugis datangan ka
Nusantara oge mawa spirit ngajajah alias mekarkeun kakawasaan).
Kuring ngabayangkeun PS hanjelu nyaksian kaayaan harita. Agama anu sakuduna
mawa katengtreman malah dijadikeun dadasar mekarkeun kakawasaan. Karana sakitu,
hipotesa kuring ngeunaan PS anjeunna nyepeng agama teh lain agama keur
mertahankeun kakawasaan dina harti vulgar. Tapi agama anu esensina pikeun
katengtreman hirup. Karana sakitu, anjeunna henteu maksakeun hiji agama pikeun
dianut ku sakumna masyarakatna. Malah, ka agama Islam anu anyar datang,
anjeunna mere kasempetan ku masrahkeun wewengkon Cirebon ka puterana /
katurunana (anu kabehdieunakeun ieu Cirebon kolaborasi jeung Banten merangan
Pajajaran).
Kuring teu rek biluk kamana-mana, sabab nya kitu kamekaran sajarah. Mana kitu
oge sejarah urang Sunda kudu ngalaman pergolakan saperti kitu. Ngan, upama tea
mah aya anu bisa diconto, nya sikep anu mentingkeun katengtreman ieu payus
upama ku urang dikali leuwih jero deui pikeun dilarapkeun mangsa ayeuna jeung
pikahareupeun.
Sok sanajan kitu, naon anu ditepikeun bieu di luhur estuning karek hipotesa
atawa gagasan awal wae. Ongkoh deui, sabagean gede tina sajarah Sunda jaman
harita masih perlu dtalungtik deui, masih perlu diteangan bukti-buktina oge
masih loba wacana diskusi ti para ahli. Upamana wae, kamari kuring ngobrol
jeung dosen jurusan Sastra Sunda Unpad anu keur nalungtik prabu Borosngora tina
sisi basa (istilah).
Ceuk anjeunna, istilah "borosngora" nyoko kana maksud "gancang dewasa" (boros =
gancang beak). Jadi, anu bergelar borosngora teh anjeunna anu geus dilantik
jadi raja dina umur ngora keneh pisan. Di Sunda, dina mangsa harita, raja ngora
atawa anu ngora-ngora geus jadi raja taya lian ti Prabu Wastukancana anu
diwastu atawa dilantik jadi raja dina umur 14 taun (sakumaha kaunggel dina
naskah wangsakerta jeung sababaraha naskah kuna Sunda sejenna) nalika ramana
(Prabu Linggabuana) perlaya di Bubat. Ceuk dina naskah, Prabu Wastukancana
dimakamkeunana di Nusa Pakel, Situ Lengkong. Pon kitu keneh ceuk carita rakyat
Panjalu, Borosngora oge dikurebkeunana di Nusa Pakel, Situ Lengkong.
Ceuk eta ahli basa Sunda, bisa jadi, Cakradewa teh taya lian ti Mangkubumi
(raina Linggabuana) atawa Linggabuana ku anjeun. Sedengkeun "istana" anu di
Cipanjalu eta istana sejenna lian ti anu di Kawali. Kapan geus jadi kabiasaan
nepi ka ayeuna, pimpinan Pamarentahan (presiden) sok boga tempat peristirahatan
atawa istana leuwih ti hiji. Pon kitu keneh jaman baheula, saurna.
Upama eta hipotesa sang dosen bisa dibuktikeun, menarik. Sabab, ceuk legenda,
Prabu Borosngora teh anu terkenal diajar Islam ka Mekkah, anu teras pependak
sareng Syaidina Ali, anu mulangna deui ka lemah cai nyandak cai dina siwur
karancang (bolong-bolong) sakumaha ditugaskeun ku ramana (kamampuan mawa cai
dina siwur karancang mangrupa syarat ti ramana, yen lamun geus bisa mawa cai
dina siwur karancang hartina geus papangih jeung agama atawa ajaran sajati anu
ditareangan ku manusa pikeun kasalametan hirupna. Eta cai saterusna diawurkeun
ka hiji lengkob anu engkena jadi situ Lengkong ayeuna.
Eta carita bener henteuna wallohu 'alam. Ongkoh deui di Sunda mah geus jadi
kabiasaan banyak carita sajarah anu dituturkeun (dicaritakeun ka generasi
saterusna) dina wangun silib / simbol. Di Sunda kawentar silib, sindir, siloka
jeung sasmita (4S) salaku media nepikeun hiji informasi. Dina lebah dieu,
sajarah Borosngora (jeung Panjalu) anu nepi ka ayeuna teu jelas raratanana
(ceuk elmu sajarah akademis) kaasup informasi anu ditepikeun ku simbol atawa 4S
tea (momen "Borosngora" pependak sareng Syaidina Ali kw oge kaasup 4S)
Upama eta hipotesis sang dosen jurusan basa Sunda di Unpad bisa dibuktikeun,
bisa ditarik kacindekan, Islam lebet ka lingkungan karajaan Sunda teh memang
geus ti beh ditu, ti jaman akina PS ku anjeun. Ngan, wayahna kudu sabar, ieu
perkara danget ieu masih ditalungtik ku kang dosen sareng jurusan sastra Sunda
Unpad. Mugia wae panalungtikanana mendakan buah anu mawa katerangan anu
nyaangan urang sadaya.
Cag heula.
manar .
2010/8/29 Mohammad zen <zenhus...@yahoo.com>
oh enya punten Kang hehe... macana sakolebat...jadi salah justru didinya
disebatkeun prabu biasana kanggo hindu kitu nya kang, saur cenah we ieu oge yen
Prabu siliwangi teh ngegaman Agama minimal percaya monoteisme, mereun oge
baheula di sunda oge aya nabi tapi teu terkenal make syareat jaman baheula..
aya oge tambihan info mengenai sunda jarang aya candi teu jiga jawa , jadi
alamatna monoteisme cenah oge
http://dadieditor.multiply.com/journal?&page_start=20
. ... hese da elmu cenah mah teu aya sahih, hasan, maudhu, dhaif na tapi
mungkin lamun aya tim peneliti sunda khusus tiasa ngabungkus meureun kasimpulan
samentarana hehe...
From: oman abdurahman <omana...@gmail.com>
To: kisunda@yahoogroups.com
Sent: Sun, August 29, 2010 8:46:26 AM
Subject: Re: [kisunda] Prabu siliwangi jeung Islam
Kang Zen,
Anu dina web link ti salira mah eta sanes PS (Sri Baduga) anu nuju
dipadungdengkeun Islam-henteuna. Namung, nya teu nanaon keur ngeuyeuban
informasi.
manar
2010/8/28 Mohammad zen <zenhus...@yahoo.com>
seueur memang perdebatan masalah
Prabu siliwangi ieu ngan mumkin nu kuring terang dadanguan di kulawarga mah
yen prabu siliwangi teh Islam banter na mah islam sunda wiwitan , tah ieu jadi
kayakinan sabagaian besar urang sunda cenah.
didieu aya pendapat oge yen prabu ten urang islam sunda
http://www.kalangsunda.net/apps/forums/topics/show/3301267-raja-suryakancana-seda?page=last
