Assalamualaikum,wr,wb. Mancaliak hari, puaso alah diambang pintu, tingga 40 hari sajo lai, nan biasonyo di kampuang awak, pabilo tibo bulan Ramadhan tu, anak nagari biasonyo babondong-bondong pai ka sungai (batang ayie) menyucikan diri dengan mandi balimau. Adapun esensi dari balimau tu subananyo indak ado didalam ajaran ugamo kito, mungkin itu peninggalan ugamo Hindu atau Budha.
Mandi dengan ayie bungo dan diagiah limau puruik. Bungo akan mengharumkan batang tubush kito sadangkan limau adolah pemberasiah daki2 atau kotoran2 nan ado di jasad kito. Dari jaman saisuak, memang limau ko digunokan untuak pambarasiah barang2 pusako seperti keris dan benda2 nan tsbuek dari logam. Tapi kalau ditinjau dari segi sosial kemasyarakatan, acara mandi balimau ko terselip kesan adolah suasana bermasyarakat dan menyambung tali silaturrahmi antaro sasamo anak nagari, dimano pado acara mandi balimau tu, kito bakumpua dan batamu satu samo lainnyo, disaat itulah antaro sasamo nan pai mandi tu akan saling bersalam-salaman meminta maaf bilo ado doso2 nan disangajo maupun indak disangajo, sahinggo dalam memasuki bulan puaso tu, jasad dan tubuah kito sudah suci barasiah dan demikian jugo hati nurani kito sudah suci pulo, indak ado musuah atau dendam nan balanjuik sampai ka dalam bulan puaso. Itu tradisi kalau dikampuang awak nan biasonyo ado batang ayie nan mengalir di nagari kito masiang2. Tradisi kami, urang perantauan Sulik Ayie di Palembang, kami biasonyo maadokan juo acara balimau tu, tapi indak pakai mandi2 sagalo. Kami maadokan acara potong kambiang dan dimasak basamo-samo di suatu kabun punyo urang Sulik Ayie di Palembang, daerah tersebut adolah di Serong, suatu desa dilua kota Palembang +/- 20 KM arah ka Jambi. Acara biasonyo diadokan saminggu manjalang puaso, gulai kambiang nan dimasak basamo-samo tu (biasonyo didabiah sampai 5 atau 6 ikua) sebagai lauak untuak makan siang basamo. Nasi jo sayua dan lalap-lalapan lainnyo dibao sendiri2. Pado acara balimau tu biasonyo dibukak oleh Ketua DPC SAS Palembang, atau kadang2 diundang juo Ketua DPP SAS Pusat Jakarta untuak hadir dan tak lupo Ketua BMKM Sumsel turut hadir. Setelah acara pidato2an, disambuang dengan acara gembira banyanyi dengan diiringi Orgen Tunggal. Acara diteruskan makan siang basamo dengan gulai kambiang tadi. Acara ditutuik dengan salam-salaman antaro sesamo anggota SAS Cabang Palembang tu. Demikianlah tradisi nan biaso kami lakukan perantauan Sulik Ayie di kota Palembang satiok tahunnyo. Namo acara, tetap acara BALIMAU, tapi indak samo persis dengan nan di kampuang awak, dengan mandi2 jo ayie bungo dan limau tu. Tapi hakikatnyo samo yaitu saliang menyucikan diri dalam rangka memasuki bulan suci Ramadhan. Itulah sekedar info untuak kito basamo, antahlah ditampek lain .......... Wassalamualaikum,wr,wb, HM Dt.MB ( 48 + ) Wakil Ketua DPC SAS Palembang Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
