RE: [R@ntau-Net] www.cimbuak.com (5 situs terbaik versi majalahkomputeraktif)

[Dewis]

Assalamua'alikum   Batanyo ciek dulu eh, Dewis (Is) Gala sia garan ?   Kapatangko ambo lai lewaik ka Cimbuak (nan tanamo kampuang Limo Suku ?) kabatulan dari Koto Baru Bateh, Sariak, taruh ka Sungai Pua, manuju ka Tanjuang Alam.   Sasudah pengelok-an simpang tigo, sabalah suok, ado nampak diambo "Rumah Gadang" baru, baukia bamego-mego, babungo bapucuak rabuang, iyo rancak sangaik, walaupun alun sudah bana, Sabagian bangunan tabuek dari bahan tembok (indak kayu doh) iyo agak lamo ambo tarangah disinan, lapeh taragak nak mancaliak Rumah Gadang. Lai juo banyak Rumah Gadang kini ko di Cimbuak ?   Sadang mancaliak "Rumah Gadang" tu, takana diambo Balai Ruang di muko lapapangan Sungai Pua, mangko babaliak ambo ka ateh, tibo disinan, ambo dapek-i Balai Ruang indak ado lai doh, padohal duluno sangaik rancak, tapurangah pulo mabo jadino, (mungkin wakatu dari ateh cako ambo indak maso, kalau Balai Ruang alah indak ado). alah lamo ilangno Balai Ruang tu Is ?   Ciek lai nan indak nampak diambo kapatang ko, adolah urang "ma-apa", dulu lai ditapi labuah, antah kok didalam kampuang.   Limbak nan daripado itu, tantangan CIMBUAK ko, kok buliah pintak jo pinto, toloang Is tarangkan bana arati dari CIMBUAK ko  (biasono namo-namo nagari dikampuang awak kan lai ba-arati)   Sakian dari ambo, kurang labiahno, ambo mintak maaf     Bandaro Labiah ++ kalau ka labuah subalah babelok kasuok ka AMPUAH yo ? Dewis <[EMAIL PROTECTED]> wrote: Dear M. Irfan. Cimbuak adolah namo daerah ketek di tangah Nagari Sungai Pua, tapeknyo masuak daerah tanah tumbuah, Anak nagari Cimbuak dulu digolongkan ka urang sungai pua totok yg dulunyo acok jadi bahan cimeeh bagi urang sungai pua lainnyo. Kalau urang sungai pua inyo pasti tau cimbuak, sadang namo nagari ketek lain alun tantunyo tau lai. ====== kuduang Is, 34 www.cimbuak.com #Kampuang Nan Jauah Dimato Dakek Dijari# Walaikumsalam Wr. Wb. Mak Bandaro Labiah, tarimo kasih banyak bana tanggapan dari mamak. Satantang pertanyaan mamak iyo ndak dapek di ambo jawabnyo ciek juo doh mak. Satiok nagari tantu ado asano, satantang CIMBUAK ko bana asa usua namonyo iyo kurang paham ambo mamak nan ambo tahu iko namo daerah di tangah koto Sungai Pua, sampai kini arati namoko alun dapek di ambo lai mak, salamoko cimbuak identik dgn bahasa sungai pua (disabuik dialek cimbuak). Satantang kampuang mak, iyo baribu maaf ambo minta ka mamak indak jaleh bana di ambo kampuang ambotu. Ambo lahia di Bukittinggi, umua 3 sampai 7 tahun tingga di Sungai Pua, sudahtu baliak tingga di bukittinggi. Salamo tingga di Bukittinggi itu iyo jarang bana manyilau kampuang mak. Salapeh SMA 15 tahun nan lalu ambo pai marantau mak, baru limo tahun terakhir rutin pulang sakali satahun itupun indak ka sungai pua doh mak, rang gaek ambo tingga di Perumnas kubang Putiah. Jadi samo sakali buto tantang kampuang ambo surang mak.   Mancaliak kenyataan diri ambo sarupo itu, dan ambo yakin banyak pulo anak nagari Sungai Pua yang indak jaleh jo kampuang lai mak, baitu jo adat istiadat, tabik suatu keinginan untuak mamperkenalkan sungai pua, sarato adat sacaro khusus dan minang sacaro umum. Kami bueklah website cimbuak ko, sebagai forum silaturahmi, komunikasi adat Minangkabau. Harapannyo dengan ado website tantu ado media tampaik anak nagari baiak nan dikampuang maupun yg dirantau mangenal baliak, Sungai Pua sarato Minangkabau. Sakali lai ambo minta maaf indak dapek mampalakukan kandak mamak.   Ambo sampai kini iyo alun bagala lai mak, alun di picayo Allah untuak barumah tanggo lai mak.   Is, 34 www.cimbuak.com #Kampuang Nan Jauah Dimato Dakek Dijari#   -----Original Message----- From: [EMAIL PROTECTED] [mailto:[EMAIL PROTECTED]On Behalf Of Bandaro Labiah Sent: Wednesday, January 28, 2004 1:54 PM To: Komunitas MINANGKABAU (Urang Awak) Pertama di Internet (sejak 1993) Subject: RE: [EMAIL PROTECTED] www.cimbuak.com (5 situs terbaik versi majalahkomputeraktif)   ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________ BT Yahoo! Broadband - Free modem offer, sign up online today and save £80

____________________________________________________
Berhenti/mengganti konfigurasi keanggotaan anda, silahkan ke: 
http://groups.or.id/mailman/options/rantau-net
____________________________________________________