RE: [R@ntau-Net] www.cimbuak.com (5 situs terbaik versi majalahkomputeraktif)

[Bandaro Labiah]

Assalamua'alikum

 

Dewis (Is) kalau baitu bialah ambo cubo pai ka nan tuo mananyokan, apokoh bana aratino CIMBUAK.tu, tolong sajolah jo Do'a, kalau lah dapek, beko ambo agiah kaba.

 

Satantangan alun bagala, ba a kalau dicarikan ? karajo baiak kan elok dipacapek ?

Wassalam

 

Bandaro Labiah

 

Walaikumsalam Wr. Wb.

Mak Bandaro Labiah, tarimo kasih banyak bana tanggapan dari mamak. Satantang pertanyaan mamak iyo ndak dapek di ambo jawabnyo ciek juo doh mak.

Satiok nagari tantu ado asano, satantang CIMBUAK ko bana asa usua namonyo iyo kurang paham ambo mamak nan ambo tahu iko namo daerah di tangah koto Sungai Pua, sampai kini arati namoko alun dapek di ambo lai mak, salamoko cimbuak identik dgn bahasa sungai pua (disabuik dialek cimbuak).

Satantang kampuang mak, iyo baribu maaf ambo minta ka mamak indak jaleh bana di ambo kampuang ambotu. Ambo lahia di Bukittinggi, umua 3 sampai 7 tahun tingga di Sungai Pua, sudahtu baliak tingga di bukittinggi. Salamo tingga di Bukittinggi itu iyo jarang bana manyilau kampuang mak. Salapeh SMA 15 tahun nan lalu ambo pai marantau mak, baru limo tahun terakhir rutin pulang sakali satahun itupun indak ka sungai pua doh mak, rang gaek ambo tingga di Perumnas kubang Putiah. Jadi samo sakali buto tantang kampuang ambo surang mak.

 

Mancaliak kenyataan diri ambo sarupo itu, dan ambo yakin banyak pulo anak nagari Sungai Pua yang indak jaleh jo kampuang lai mak, baitu jo adat istiadat, tabik suatu keinginan untuak mamperkenalkan sungai pua, sarato adat sacaro khusus dan minang sacaro umum.

========

Sakali lai ambo minta maaf indak dapek mampalakukan kandak mamak.

 

Ambo sampai kini iyo alun bagala lai mak, alun di picayo Allah untuak barumah tanggo lai mak.

 

Is, 34

www.cimbuak.com

#Kampuang Nan Jauah Dimato Dakek Dijari#

---

BT Yahoo! Broadband - Free modem offer, sign up online today and save £80

____________________________________________________
Berhenti/mengganti konfigurasi keanggotaan anda, silahkan ke: 
http://groups.or.id/mailman/options/rantau-net
____________________________________________________