Mak Sati sato sakaki sakali ko, Masalah poligami indak cuma masalah agamo. Izin bapoligami dalam Islam dengan persyaratan yang lumayan barek untuak dipanuahi (dan diinterpretasikan dek sabagian umaik sasuai jo saleronyo), apo lai izin negara untuak nan pegawai negeri sipil nan persyaratannyo juo sulik untuak dilampau, cuma legalisasi. Tantu logika nan kaliru, kalau para isteri mangizinkan suaminyo bapoligami untuak syiar Islam, cuma dek Islam mangizinkan poligami. Kutiko ambo jadi bujang salamaik saisuak, jabatan ambo mawajibkan ambo manyalasaikan masalah guru dan pegawai TU nan acok berakar dari masalah rumah tangga. Indak jarang masalah ko masalah kawin batambuah. Dalam manyalasaikan masalah, tantu ambo musti mandanga kaduo fihak, baa mangko sampai suami kawin ciek lai. Saribu satu panyababnyo, bukan cuma dek agamo mambuliahkan. Kebanyakan ketidakharmonisan suasana rumah tanggo adolah pangkabala. Pangkanyo bisa dimuloi dek isteri, bisa juo dek suami. Kalau suami lah maraso rumah indak lai menjadi "home sweet home", inyo mulai mancari suasana nan labiah tanang di lua. Kalau di lua ko inyo basuo jo padusi lain nan bisa mananangkan dan manyanangkan hatinyo saat itu, proses ke arah poligami muloi muncul. Contoh lain. Nan iko sabana tajadi di lingkuangan tampek tingga ambo. Seorang dosen (dan kini jadi dekan) kutiko kuliah di bantu oleh seorang "yang baik hati" sampai jadi sarjana. Sasudah tu inyo dilamar untuak adiak urang nan elok hati tu, gadih nan agak pincang, bantuak juo jauah dari rancak. Mungkin untuak baleh budi, lamaran ditarimo, namun mungkin biniko bukan nan di hati, apo lai keluarganyo indak sapanuahnyo setuju. Selang ampek limo tahun, diam-diam inyo dikawinkan dek rang gaeknyo jo padusi lain di kampuangnyo. Mungkin nan kaduo ko juo alun "nan di hati", dek pancarian rang gaek. Di kampus inyo basuo jo "nan di hati" dan berakhir di pelaminan. Kini inyo punyo bini 3 urang, namun kewajibannyo laia batin ka anak-anak jo bini-bini tuonyo dipanuahi sampai ka ujuang jari. 40 hari nan lalu, bini nan partamo maningga dalam sebuah kecelakaan mobil. Jadi kini tingga baduo. Dek bini nan partamo ko tetangga ambo, ambo bisa mandanga baa sakik atinyo, nan mambuek situasi rumah tanggonyo runyam salamo ko. Dek inyo cuma ibu rumah tangga nan indak punyo penghasilan sendiri, inyo tapaso anok walaupun menderita batin, menimbang keselamatan anak-anak nan duo pasang nan sadonyo sadang butuh biaya nan gadang.
mS ----- Original Message ----- From: "Rahima" <[EMAIL PROTECTED]> To: "Komunitas MINANGKABAU (Urang Awak) Pertama di Internet (sejak 1993)" <[EMAIL PROTECTED]> Sent: Tuesday, April 27, 2004 4:01 PM Subject: Re: [EMAIL PROTECTED] Kuingin Suamiku Berpoligami.. yesi!!!! > Assalamualaikum.Wr.Wb. > > Para netter sekalian yang saya hormati,dan semoga > selalu di muliakan Allah. > > Malam tadi,sebenarnya saya ingin membalas postingan > dek Yesi yang terakhir sekali saya baca.Dikarenakan ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________